Энэ мэдээ хуучирсан буюу 2019/11/17-нд нийтлэгдсэн мэдээ болно.

“Чингис хаан“ одонг “The Hu” хамтлагт олгохоор болжээ

Өнөөдөр Монгол Улсын Ерөнхийлөгчийн дэргэдэх Иргэний танхимд 11.00 цагаас Монгол Улсын Төрийн тэргүүн зэргийн "Чингис хаан" одон хүртэгчийг Монгол Улсын Ерөнхийлөгчийн Тамгын газрын дарга З.Энхболд зарлах тов гарсан. 

Дөнгөж сая З.Энхболд мэдээлэл хийж, The Hu хамтлагт энэ жилийн "Чингис хаан" одон хүртээхээр болсноо зарлалаа. 

Тэрбээр “Их эзэн Чингис хааны мэндэлсэн монгол бахархлын өдрөөр улс орныхоо тусгаар тогтнол, бүрэн эрхт байдал, үндэсний эв нэгдлийг бататган бэхжүүлэх, төрт ёс, түүх соёлынхоо уламжлалыг гүнзгий судалж, хойч үедээ өвлүүлэх, тэдгээрийг дэлхий дахинд сурталчлан таниулах үйлсэд үнэтэй хувь нэмэр оруулж төр, нийгэм, үндэстний өмнө онцгой гавьяа байгуулсан иргэдийг Монгол Улсын төрийн дээд шагнал, тэргүүн зэргийн одон Чингис хаан одонгоор шагнадаг уламжлалтай. Чингис хааны мэндэлсэн өдөр энэ жил 11-р сарын 27-нд тохиож байгаа. Энэ өдөр одон гардуулах ёслол болно.  

Энэ жилийн одонго улс орны нэр хүнд, үндэсний урлагийнхаа гайхамшгийг дэлхий дахинд таниулж, хүн төрөлхтний урлаг соёлын санд нэгэн онцгой өнгө төрхийг бий болгож байгаа “The Hu” хамтлагт хүртээхээр шийдвэрлэснийг та бүхэнд уламжилж байгаадаа баяртай байна.

Чингис хаан одонг зөвхөн хүнд хүртээдэг байсан бол энэ жилээс байгууллагад хүртээнэ гэж өөрчлөлт оруулсан. The Hu хамтлагийг байгуулага гэж үзэж, Чингис хаан одонг хэн нэгнийх нь энгэрт биш дунд нь жаазанд хийж гардуулна” гэв.  

МТШТХ -ны 10 жилийн ой Монгол туургатны “ЧИНГИСИЙН ЦОМ” холимог тулааны МGL-1 FIGHTING CHAMPIONSHIP 13 дугаар тэмцээний тухай
МТШТХ -ны 10 жилийн ой Монгол туургатны “ЧИНГИСИЙН ЦОМ” холимог тулааны МGL-1 FIGHTING CHAMPIONSHIP 13 дугаар тэмцээний тухай
 
Путин: F-16 онгоцтой баазууд руу нь довтолно
Путин: F-16 онгоцтой баазууд руу нь довтолно
Энэ мэдээ хуучирсан буюу 2019/11/17-нд нийтлэгдсэн мэдээ болно.