Энэ мэдээ хуучирсан буюу 2020/06/21-нд нийтлэгдсэн мэдээ болно.

Кёкүшюүзан Д.Батбаярын бие төлөөлөгч мөнгө тараасан хэргээр шалгагдаж байна

Өнгөрсөн амралтын өдрүүдэд мөнгө тараахыг завдсан байж болзошгүй нэг бус үйлдлийг хууль сахиулагчид илрүүлэн шалгаж эхэлсэн байна.

Тодруулбал, ТЕГ, ЭЦА-ныхан өчигдөр Хан-Уул дүүргийн нутаг дахь Кувейтийн хэмээн нэрлэж буй Богдхан уулын нэг аманд хүмүүс их хэмжээний бэлэн мөнгө тараахаар бэлтгэж байгаа тухай мэдээллийн дагуу шалгасан юм. Улмаар 250 сая төгрөгийг 2.5 саяар нь багцлан боосон байсныг эд мөрийн баримтаар хураасан байна. Тагнуул, цагдаагийн байгууллагын эх сурвалжуудын мэдээлснээр Сонгино хайрхан дүүргийн АН-ын гишүүн Даваажав гэх хүн уг ажлыг зохион байгуулсан хэмээн сэрдэгдэн шалгуулж эхэлжээ. Өөр нэг эх сурвалжийн өгүүлснээр “Кёкүшюүзан Д.Батбаярын бие төлөөлөгчөөр 2012 оноос ажиллаж байгаа Даваажав гэх хүн мөнгө тараахаар бэлтгэж, олон хүн Кувейтийн аманд аваачин мөнгөө багцалж тоолж байсан юм билээ. Тиймээс хамт байсан хүмүүсийг нь ч хууль сахиулах байгууллагынхан авчран шалгаж эхэлсэн гэсэн” хэмээв.

ЦЕГ-ын Хэвлэл мэдээллийн төвийн дарга, дэд хурандаа Б.Баатархүү “Сонгуулийн сурталчилгаатай холбоотой хууль зөрчсөн гэх 1276 гомдол ирснийг шалгаж байна. Бэлэн мөнгө тараахаар бэлтгэж байгаа тухай мэдээлэл их ирж байна. Иргэдээс ирүүлсэн мэдээллийн дагуу Хан-Уул дүүргийн XIV хорооны нутагт шалгалтын ажиллагаа явуулж, гарал үүсэл нь тодорхойгүй 200 гаруй сая төгрөг хураан авч, мөрдөн шалгах ажиллагаа явуулж байна. Хууль зөрчсөн, эсэхийг нарийвчлан шалгаж тогтооно. Иргэдээс ирүүлсэн мэдээлэл бүрийг цагдаагийн байгууллага шалгаж эхэлсэн” гэсэн мэдээлэл өгсөн юм.

С.Баярцогт, Да.Ганболд, Б.Бямбасайхан нарыг үргэлжлүүлэн хорьж, шүүх хурлыг хойшлууллаа
С.Баярцогт, Да.Ганболд, Б.Бямбасайхан нарыг үргэлжлүүлэн хорьж, шүүх хурлыг хойшлууллаа
 
“ Захилагат хууль” -ийн автор Ч.Хүрэлбаатар УИХ-ын гишүүн А. Адьяасүрэнг заналхийлжээ
“ Захилагат хууль” -ийн автор Ч.Хүрэлбаатар УИХ-ын гишүүн А. Адьяасүрэнг заналхийлжээ
Энэ мэдээ хуучирсан буюу 2020/06/21-нд нийтлэгдсэн мэдээ болно.