Энэ мэдээ хуучирсан буюу 2020/07/28-нд нийтлэгдсэн мэдээ болно.

Долоон аймгийн 41 суманд зуншлага муу байна

Нийт нутгаар зуншлага ямар байгаа талаар ХХААХҮЯ-ны Мал аж ахуйн хөгжлийн бодлого зохицуулалтын газрын дарга Д.Батмөнхөөс тодрууллаа. 

Монгол орны нийт нутгаар зуншлага хэр байна вэ? 

-Манай орны бэл­чээ­рийн ургамлын ургалтын байдал долдугаар сарын 20-ны байдлаар нутгийн 50 орчим хувьд сайн, 30 гаруй хувьд дунд, 20 орчим хувьд тааруу байна. Тодруулбал, Говь-Алтай аймгийн долоо, Баянхонгор аймгийн 11, Өвөрхангай аймгийн дөрөв, Төв аймгийн хоёр, Дундговь аймгийн ес, Өмнөговь аймгийн зургаа, Дорноговь аймгийн хоёр нийт 41 суманд зуншлага муу байна.
Зуншлага тааруу байгаатай холбоотойгоор отор нүүдэл ихсэж Баянхонгор, Говь-Алтай, Дундговь, Өвөрхангай аймгийн хоёр сая орчим толгой мал Хэнтий, Сүхбаатар, Улаанбаатар, Булган, Төв, Говьсүмбэр, Өмнөговь, Дорноговь, Дархан-Уул аймагт отроор зусаж байна.

Бэлчээрийн даацтай холбоотой нарийн судалгаа бий юу?

-Яамны захиалгаар эрдэм шинжилгээний байгууллагын хийсэн судалгаагаар манай орны бэлчээрийн даац 80 орчим сая хонин толгой малыг тэжээлээр хангах бэлчээрийн багтаамжтай байна. Дэлхийн дулаарал болон малын тооны өсөлт, бэлчээрийн хортон, мэрэгчдийн тархалтаас шалтгаалан бэлчээрийн доройтол эрчимтэй явагдаж байгаа учраас малчид малыг зах зээлд нийлүүлж, эдийн засгийн эргэлтэд оруулах зайлшгүй шаардлагатай байна. 

Өвс, тэжээлийн нөө­цийг хэрхэн бэлтгэх вэ?

-Бэлчээрийн даацтай холбоотойгоор энэ оны наймаас арванхоёрдугаар сард малчид, мал аж ахуйн үйлдвэрлэл эрхлэгчид 25 саяас доошгүй толгой малыг эдийн засгийн эргэлтэд оруулах шаардлагатай. Мөн өвөлжиж, хаваржих малд шаардлагатай өвс, тэжээлийн нөөцийг малчдын болон аймаг, сумын түвшинд хангалттай бэлтгэж нөөцлөх ажлыг шуурхайлахаар ажиллаж байна. 

Эх сурвалж: "Зууны мэдээ" сонин 2020.7.29  ЛХАГВА № 144 (6369)

З.АРИУНЖАРГАЛ: Урьдчилан сэргийлэх үзлэг, оношилгоог өнгөцхөн хийдэг гэх ойлголтыг хална
З.АРИУНЖАРГАЛ: Урьдчилан сэргийлэх үзлэг, оношилгоог өнгөцхөн хийдэг гэх ойлголтыг хална
 
“ Захилагат хууль” -ийн автор Ч.Хүрэлбаатар УИХ-ын гишүүн А. Адьяасүрэнг заналхийлжээ
“ Захилагат хууль” -ийн автор Ч.Хүрэлбаатар УИХ-ын гишүүн А. Адьяасүрэнг заналхийлжээ
Энэ мэдээ хуучирсан буюу 2020/07/28-нд нийтлэгдсэн мэдээ болно.