Орон нутгийн сонгуулийн сурталчилгаа өнөөдөр албан ёсоор эхэллээ. Уг нь нийслэлийг хэрхэн хөгжүүлэх талаарх бодлогын "уралдаан" байх ёстой ч манайхан бол би, чи дээ тулж баахан болсон, болоогүй пи-араар өрсөлддөг нь нууц биш.
Харин сонгогчдын хувьд нэгэнт саналаа дугуйлах л үлджээ. Учир нь нийслэлчүүд НИТХ-д нэр дэвшигчдийг намын харьяаллаар нь харахыг хүссэн МАН-тай өрсөлдөхүйц бодлого, мөрийн хөтөлбөр бас нэгдмэл байр суурьтай "улстөрийн" хүчин алга. Сөрөг хүчнээр тодорхойлогдож ирсэн АН нь аль хэдийн буугаад өгчихсөн. Бүр хажуудаа МАХН болон "ШИНЭН-ыг чирчихсэн. Амьхандаа улстөрийн бусад хүчнүүдтэй хавсайдаад ч болов "НИТХ-ын" сонгуульд ялахыг хүссэн биз.
Гэвч дороо суудлаа олоогүй АН-ынханд сонгогчид итгэхийг хүсэхгүй, харин ч УИХ, Засгийн газрын бодлого шийдвэрийг хэрэгжүүлэхэд тустай хэмээн замыг нь шулуутгаж МАН-ыг сонгоно хэмээж байна.
 Аливаа асуудлыг өргөс авсан шиг шийдэж, өнөөдөр санаачилж, маргааш эхлүүлж, нөгөөдөр дуусгах боломжгүй. Тиймээс өнгөрсөн дөрвөн жилийн хугацаанд УИХ-д ч НИТХ-д ч олонх байсан МАН-д дахин итгэл үзүүлж, эхлүүлсэн ажлаа дуусгаасай хэмээж байгаа аж.
 Нийслэлийн МАН ч сонгогчдын итгэлийг алдахгүйн тулд нэр дэвшигчдээ тодруулахдаа эх орноо гэсэн сэтгэлтэй, ёс зүйтэй,мэдлэг боловсролтой, ажлын дадлага туршлагатай байх зарчмуудыг чухалчлан үзсэн. Өнөөдөр нэгэн гараанаас өөрсдийгөө танилцуулж, сурталчилгаагаа эхлүүлэх МАН-ын 45 нэр дэвшигчийн 10 нь эрх зүйч, 12 нь улс төр судлаач, дөрөв нь багш,тав нь инженер, тав нь эдийн засагч, нэг нь эмч, нэг нь нисгэгч,хоёр нь програмист бол бизнесийн удирдлага чиглэлээр мэргэжил эзэмшсэн таван хүн, хөгжлийн судлаач байгаа аж. Нэр дэвшигчдийн хамгийн залуу нь 30 настай бол ахмад нь 56-тай бөгөөд 45 хүний 33нь буюу 73.3 хувь нь шинэ залуус.Тодруулбал,"МАН"шинэ залуусаа нийслэлийн өнгө төрхийг өөд татах, нийслэлчүүдийн төлөө сэтгэлээ зориулах зүтгэлтэй, итгэл даах хүмүүс хэмээн сонгосон. Харин нийслэлчүүд бид МАН-ынхандУИХ-ын сонгуулиар итгэсэн шиг НИТХ-ын сонгуулиар итгэлээ үзүүлэх л үлдлээ.

Эх сурвалж: Erennews.mn