Энэ мэдээ хуучирсан буюу 2021/03/03-нд нийтлэгдсэн мэдээ болно.

Севилл хотод жүржнээс цахилгаан эрчим хүч гаргаж эхэлжээ

Жүржээрээ алдартай Испанийн Севилл хот жүржнээс цахилгаан эрчим хүч гаргаж эхэлжээ. Севиллийн жүрж нь мармелад болон  Cointreau, Grand Marnier зэрэг ликёруудын гол найрлага бөгөөд хүчиллэг амтаараа алдартай. Гэхдээ уг жимсийг бидний бодож байснаас ч олон янзаар ашиглаж болох ажээ. Хотын захиргаанаас газарт унасан болон хорхойд идэгдсэн жүржийг цахилгаан эрчим хүч гарган авахад ашиглахаар туршиж үзсэн нь үр дүнгээ өгчээ.

Тус хотод сардаа 35 тонн жүржийг шахаж биогаз гарган авч, хальсыг нь тариалангийн талбайд бордоо болгон хувиргаж байна. Улбар шар өнгийн жимснээс гаргаж авсан сэргээгдэх эрчим хүчний эх үүсвэрийг ашиглан бүс нутагт байрлах EDAR Copero бохир ус цэвэрлэх байгууламжийг эрчим хүчээр хангахаар зорьж байгаа юм байна.

Жүрж ашиглан  ойролцоогоор 1500 кВт.ц эрчим хүч үйлдвэрлэх бөгөөд 150 айлын хэрэглээтэй тэнцэнэ хэмээн тооцоолж байна. Биогаз бол хүнсний хаягдал, ургамлын гаралтай материал, амьтны гаралтай өөх тос зэрэг органик бодисын задралаас үүсэх сэргээгдэх эрчим хүчний нэг хэлбэр юм. Үүнийг тээврийн хэрэгслийн түлш эсвэл халаалт, цахилгаан эрчим хүч зэрэг янз бүрийн аргаар ашиглаж болно. 2020 онд Австралийн Сиднейн их сургуулийн эрдэмтэд текилаг автомашины био түлш болгох аргыг олсон. Түүнчлэн Америкийн компани био түлшээр ажилладаг дэлхийн хамгийн анхны пуужинг хөөргөсөн билээ. Өнөө үед хамгийн түгээмэл хэрэглэгддэг хоёр төрлийн био түлш бол этилийн спирт болон биодизель юм.

МАН-ын 100 жилийн ойд зориулсан хос номын нээлт боллоо
МАН-ын 100 жилийн ойд зориулсан хос номын нээлт боллоо
 
Путин: F-16 онгоцтой баазууд руу нь довтолно
Путин: F-16 онгоцтой баазууд руу нь довтолно
Энэ мэдээ хуучирсан буюу 2021/03/03-нд нийтлэгдсэн мэдээ болно.