Өнөөдрөөс PCR шинжилгээний явуулын лаборатори Говь-Алтай аймагт ажиллаж эхэллээ. 

Говь-Алтай аймаг коронавирусний халдварын сэжигтэй тохиолдол бүртгэгдсэнээс хойш PCR шинжилгээний сорьцуудаа Ховд, Баян-Өлгий аймагт илгээж хариугаа гаргаж байсан. Тэгвэл УИХ-ын гишүүн Ш.Раднаасэд, Б.Энх-Амгалан нарын санаачилгаар ЭМЯ-наас Говь-Алтай аймагт явуулын лабораторийг ажиллуулахаар шийдвэрлэсний дагуу өнөөдрөөс PCR шинжилгээг аймагтаа авдаг болсон тухай тус аймгийн Засаг дарга О.Амгаланбаатар мэдээлэв. 

Сүүлийн 24 цагт түргэвчилсэн оношлуурын шинжилгээнд 119 нийт 12837, PCR 285 нийт 2499 сорьцод шинжилгээ хийсэн байна. Өнөөдрөөс аймгийн төвд хөл хорионд орсон малчдыг нэгдсэн журмаар шинжилгээнд хамруулж сум руу нь гарах ажлыг зохион байгуулах ажээ.