Энэ мэдээ хуучирсан буюу 2015/03/09-нд нийтлэгдсэн мэдээ болно.

Өнөөдрийн өрнө, дорнын зурхай

Өнөөдөр аргын тооллын 2015 оны Гуравдугаар сарын 10. Мягмар гараг.  Билгийн тооллын XVII  жарны "Галзууруулагч" хэмээгч модон хонин жилийн хаврын тэргүүн шар бар сарын шинийн 20. Ангараг гараг. Салхины эх одтой, долоон улаан мэнгэтэй хөхөгчин  тахиа өдөр. Өдрийн барилдлагаХүчин төгсөх. Шүтэн барилдлага Сансар. Өдрийн наран 7 цаг 22 минутад мандан, 18 цаг 40 минутад жаргана. Тухайн өдөр үхэр, могой жилтнээ аливаа үйлийг хийхэд эерэг сайн ба бич, тахиа жилтнээ сөрөг муу нөлөөтэй тул элдэв үйлд биеэ энхрийлүүштэй. Эл өдөр буян номын үйл эхлэх, дээдсээс халамж хүсэх, лам хувраг болох, багш шавьд барилдах, номын абшиг авах, шинэ гэр ба байр авах, хагалгаа хийх, гэр бүрхэд сайн. Мод суулгах, нарийн зөвлөгөө хийх, улаа гаргах, хиншүү хярвас гаргахад муу. Өдрийн сайн цаг нь хулгана, бар, туулай, морь, хонь, тахиа, болой. Хол газар яваар одогсод баруун хойш мөрөө гаргавал зохистой. Үс шинээр үргээлгэх буюу засуулахад тохиромжгүй   хэмээжээ.

 

* * *Өрнийн зурхай * * * 

 

Хонь (3/21-4/19)

Сөрөг хандлагатай өдөр. Хуурамч амлалтад бүү итгэ, дэмий итгэж найдах хэрэггүй. Гараг эрхсийн таагүй байрлалаас болоод санхүүгийн хүндрэл нүүрлэх буюу гэнэтийн зардал гарч магадгүй. Арилжаа наймаанд хэт идэвх гаргах нь алдагдалд хүргэж болзошгүй. Олон хүнтэй харьцахаас зайлсхий, эс тэгвэл сөрөг үр дагавартай. Тэсвэр тэвчээртэй байж, хүлээх хэрэгтэй. Аливаад хүлээцтэй хандах нь бас нэг соёл гэдгийг ойлгоорой.

Үхэр (4/20-5/20)

Болгоомжтой байх өдөр. Өнөөдөр шинээр эхлүүлэх ажил төрөлд хүндрэл бэрхшээл гарч мэднэ. Төлөвлөсөн санаа зорилгоо зайлшгүй дахин шалгаж нягтлах хэрэгтэй. Амин чухал аливаа шийдвэр гаргахаа хойшлуулсан нь дээр. Шинээр танилцах хүн таны амьдралд муу үр нөлөөг үлдээх тул түүнээс болгоомжлогтун. Зүүд тань зөн совинтой байх ба удахгүй биелэлээ олох болно.

Хамтатгах (5/21-6/21)

Зөрчилтэй, хоёр талтай, сайн муу гэнэтийн бэлгээр дүүрэн өдөр. Энэ бүхэнд бэлэн байж өөрийгөө хяналттай байлгахыг хичээ. Уран ухаан, эв зүйг олох чадвар тань энэ бүхнийг ярвигтай болохоос сэргийлэхэд тусална.

 

 Мэлхий  (6/22-7/22)   

Ачаалал ихтэй, хоёрдмол өдөр. Ёс суртахууны зарчмаа хамгаалах, дотоод эрх чөлөө гэсэн уриан дор өнөөдрийг өнгөрөөх төлөвтэй. Таны хийж байгаа ажил тийм хурдан үр дүнгээ өгөхгүй байгаад сэтгэлээр унах хэрэггүй. Удахгүй тэрээр үр дүнгээ өгч эхлэх болно. Авьяас чадвараа бусдад харуулах боломж тохионо. Мөн ажил хэрэгч, багаар ажиллах чадвараа дайчлах хэрэгтэй. Гэхдээ хэрэв та тухайн ажлын талаар бүрэн дүүрэн ойлголтгүй бол шууд татгалзсан нь дээр.

Арслан (7/23-8/22)   

Хүнд өдөр. Ажил дээр ч, гэрт ч тогтворгүй байх бололтой. Үйл хөдлөлөө эрүүл саруул ухаанаар үнэлж дүгнэх, дэмий хоосон төсөл төлөвлөгөөний хойноос хөөцөлдөхгүй байхыг од гаригс зөвлөж байна. Арилжаа наймааны ажилд идэвх зүтгэл гаргах шаардлагагүй. Өөрийн бүх хүчин чармайлт оролдлогыг гаргахгүйгээр өмнөө байгаа бүх саад тотгоруудыг даван туулж чадахгүй. Өөрийнхөө санаа бодлыг найз нөхөд болон ажлын хамтрагн нартаа тулгах гэсний хэрэггүй. Эргэн тойрныхонтойгоо асуудал үүсгэж маргалдахгүй байхыг од гаригс зөвлөж байна.

Охин (8/23-9/22)    

Идэвхитэй үйл ажиллагаа явуулахад таагүй өдөр. Амьдралын эрчим муудаж энэ нь мэргэжлийн үйл ажиллагаанд даруй нөлөөлж, найзуудтайгаа харьцах харьцаанд нөлөөлөх ба ерөнхийдөө цаашдын хувь заяанд нөлөөлнө.
 

Жинлүүр (9/23-10/22)   

Энэ өдөр идэвхгүй эсвэл няцаалтууд идэвхтэй байна. Хоёрдмол нөхцөлийг шийдвэрлэхэд танд хүнд байна. Чухал асуудлуудыг шийдвэрлэх мөн чухал бичиг баримттай ажиллахгүй байхыг зөвлөж байна. Хамгийн гол нь өөрийн хүсэл тэмүүллээ тодорхойл. Өдрийн хоёрдугаар хагаст романтик уулзалт болно. Гэхдээ та нилээн төвөгтэй хамтрагчтай тулгарч болзошгүй мөн сэтгэл гутралд орсоноор хурдан хугацаанд хэвэндээ орж чадахгүйд хүрнэ.
 

Хилэнц (10/23-11/21)   

Таны амьдралд гэнэтийн өөрчлөлт гарна. Харин энэ өөрчлөлт таниас дээд зэргийн идэвхи чармайлт болон өөрчлөгдөж байгаа үйл явцыг хурдтай мэдэрч амьдрахыг шаардана. Таны төлөвлөсөн ажил тань хүсч хүлээж байсан үр дүнг авчрахгүй. Өнөөдөр худалдаа наймааны үйл хэрэгт тааламжтай. Гэхдээ бөс даавуу болон үнэт металь худалдаж авахгүй байхыг од эрхэс сануулж байна.
 

Нум (11/22-12/21)    

Хамтрагчдын хүчээр өдрийн эхэн хагас тааламжтай байх болно. Илүү зүйлд санаа зовох нь өнөөдрийн төлөвлөсөн ажилд саад учруулна. Зөвхөн өнөөдөр л та хамрагчтайгаа гэрээ хэлэлцээр хийхийг одод зөвлөж байна. Гэсэн хэдий ч ажпын амжилт чинь таны идэвхи зүтгэлээс хамаарахгүй. Өдрийн хоёр дахь хагаст та гэр бүлийнхэнтэйгээ бага зэргийн үл ойлголцол бий болсноор хэрүүл гарах магадлалтай.

 

Матар (12/22-1/19)   

Тааламжтай өдөр. Өнөөдөр таны хувьд идэвхитэй амрах өдөр. Гэхдээ амралтаа санаа бодол нэгт хамтран ажиллагсадтайгаа өнгөрүүлэхийг хичээ. Энэ ордны эмэгтэйчүүдэд өөрийн мэргэжлийн хүрээнд авьяас чадвараа нээн илрүүлэх боломж гарна. Шинэ сонирхол, хоббитой болохыг үгүйсгэхгүй ч энэ нь удаан үргэжилэхгүй. Харин эрэгтэйчүүдэд өөрийн эрүүл мэнддээ анхаарахыг одод сануулж байна.
 

Хумх (1/20-2/18)   

Бүхнийг сүйрүүлэх хандлагатай өдөр. Анхаарал, болгоомжлол шаардсан өдөр. Бизнесийн салбарынхан өнөөдөр шинэ төсөл, эсвэл бусадтай хамтран ажиллах саналыг хүлээн авахад таагүй байна. Харин хэн нэгэнд буянтай үйл хийхэд сайн өдөр. Магадгүй өнөөдөр хол явахад хүрэх чухал мэдээ дуулна. Ямар нэгэн асуудалд эрсдэлтэй яаран шийдвэр гаргах хэрэггүй. Хайртай хүндээ ухаантай ханд, сэтгэл гундуу байх нь бүхнийг дордуулж болзошгүй.
 

Загас (2/19-3/20)

Таагүй өдөр. Сэтгэл санаа тогтворгүй хорлолтой өдөр. Өнөөдөр амжилт ямар ч үед танаас буруулна. Тиймээс аливаа үйлдэлд хянамгай байгаарай мөн ойр дотны хэн нэгэнтэй маргалдаж болзошгүйг анхаар. Тиймээс найз нөхөдтэйгээ уулзсаны хэрэггүй. Гэнэтийн тааламжгүй зүйлээс болоод азгүй байдалд орж болзошгүй тиймээс болгоомжтой байгаарай. Өдрийн хагаст тааламжгүй мэдээ дуулна, үүнээсээ болоод өдрийн турш сэтгэл санаа тавгүй байна.

 

Өмнөговь аймаг дэлхийд тэмээн сүргээрээ танигдана
Өмнөговь аймаг дэлхийд тэмээн сүргээрээ танигдана
 
Путин: F-16 онгоцтой баазууд руу нь довтолно
Путин: F-16 онгоцтой баазууд руу нь довтолно
Энэ мэдээ хуучирсан буюу 2015/03/09-нд нийтлэгдсэн мэдээ болно.