Гурван хүнийг  буудан хороосон этгээд цаазын ял сонслоо. Энэ аймшигт хэргийг цагаан сарын өмнөхөн О.Энхбат гэгч этгээд үйлдсэн байна. Тэрбээр Хөвсгөл аймгийн харъяат бөгөөд энэ оны нэгдүгээр сарын 22-23-нд шилжих шөнө тус аймгийн Улаан-Уул сумын Шивлэг багийн малчныд буу авч очин гэрийн эзнийг, хажуугийн айлынх нь эмэгтэй, өөр сумаас ирсэн нэгэн эрэгтэйн хамт гурвууланг нь буудаж хороогоод зугтах гэж оролдсон боловч   хэргийн газраас төдийлөн холдож чадалгүй баригдсан байв. Түүний хэргийг сум дундын эрүүгийн хэргийн  анхан шатны шүүх хэлэлцээд цаазын ял оноосон байна. Ерөнхийлөгч Ц.Элбэгдоржийн санаачлагаар манай улс цаазын ялаас татгалзаж буй хэдий ч О.Энхбат мэтийн ийм онц хэрцгий алан хядагчдад уг ялыг оноохоос өөр замгүй бололтой.

Б.Баяр

Эх сурвалж: Tumen.mn