JCI Монгол ТББ, ЦЕГ-тай хамтран 2018 оноос хэрэгжүүлжбуй ONE COMMUNITY төслийн хүрээнд 2019 онд 4 том аян, хөдөлгөөнийг явуулахаар төлөвлөсний эхний аян хүний эрүүл мэндийн халдашгүй байдлын эсрэг гэмт хэргээс урьдчилан сэргийлэх зорилгоор “ОЙЛГОЛЦОХ 1 ХОРОМ” хөдөлгөөнийг орон даяар эхлүүлсэн билээ. 

2019 оны 03 дугаар сарын 29-ны энэ өдөр UB Palace их танхимд Нийслэлийн хэмжээнд их сургуулиудын төгсөх ангийн Монгол Улсын ирээдүй болсон 3600 гаруй сурагчдад "НЭГ ХОРОМ" хэлэлцүүлэг лекц хийсэн байна.  Сүүлийн 5 жилийн судалгаагаар цагдаагийн байгууллагад жилд дунджаар 30 орчим мянган гэмт хэрэг бүртгэгдсэнээс “Хүний эрүүл мэндийн халдашгүй байдлын эсрэг гэмт хэрэг” нийт гэмт хэргийн 30 хувийг эзэлж байна. "Нэг хором" хөдөлгөөн эхэлснээс 1 сарын хугацаанд Хүний эрүүл мэндийн халдашгүй байдлын эсрэг гэмт хэргийн гаралт улс орон даяар урьд байгаагүйгээр 30 хувь буурсан үзүүлэлттэй байна.

ONE COMMUNITY төслийн хүрээнд 2019 оны 04-р сарын 01-нээс "Хүүхдийн хүчирлэлийн эсрэг" аянг 1 сарын хугацаатай улс орон даяар эхлүүлэх юм.