Эхнэрийн бодол "Бүх дэлхий миний нөхрийн эсрэг болсон ч би ард нь чимээгүй сумыг нь зөөсөөр л байх болно" гэж байдаг гэнэ лээ. Тэгвэл хар тамхины хэрэгт орооцолдоод байгаа дуучин Б.Амархүүг өнөөдөр нийгэм даяараа л жигшиж байна. Харин түүний талд ганцхан хүн байгаа нь гэргий О.Ариунзул нь. О.Ариунзул "Цагаанаас цагаахан цайлган сэтгэлтэй хань минь. Би чиний талд үргэлж бат зогсоно санаж яваарай. Удахгүй уулзъя. On my way my love" хэмээн цахим хуудастаа бичжээ. Нөхөр нь хоригдсон энэ өдрүүдэд О.Ариунзул гадаадад ажилтай явж таарсан учраас ийнхүү өөрийн цахим хуудсаараа дамжуулан бүх дэлхий нөхрийнх нь эсрэг байсан ч ард нь чимээгүй сумыг нь зөөхөө амлалаа.