“Монголын тулааны шилдэг тамирчдын холбоо” нийгэмд үйлчилдэг төрийн бус байгууллага нь анх 2009 онд үүсгэн байгуулагдсан бөгөөд түүнээс хойш 10 дахь жилдээ дотооддоо болон олон улсад үйл ажиллагаагаа идэвхтэй явуулан ажиллаж байна. Тус холбооны зорилго нь бие хамгаалах урлагийн төрлүүд болох тулааны Киокушинкай карате, Бокс, Кикбокс, Монгол карате, Шидокан карате, Кудо, Таеквондо, холимог тулаан зэрэг төрлүүдийн холбоодтой хамтарч ажиллан, тамирчид бэлтгэн, олон улсын холимог тулааны дүрмээр Монгол улсын аварга шалгаруулах, жин жингийн шилдгийн шилдэг тамирчдаа шалгаруулан, ранкийг тогтоох, Монгол улсын нэрийг дэлхийд гаргах тамирчдыг бэлдэн олон улсын болон дэлхийн холимог тулааны нэртэй холбоонд тулалдуулж байгаад оршино.

Манай холбоо үүсгэн байгуулагдсанаас хойш “MGL-1” fighting championship, холимог тулааны болон мэргэжлийн кикбоксын Монгол улсын аваргын бүсний төлөө 12 удаагийн тэмцээн, “MGL-1” fight night шинэ тамирчдын ранк тогтоох 3 удаагийн тулаан, мөн 2 сарын турш явагдсан “МАСТЕР ТУЛААНЧ” реалити шоу, Бүгд Найрамдах Хятад Ард улсын холимог тулааны холбоотой хамтран 1 удаагийн халз тулаан, Япон улсын холимог тулааны “DEEP” холбоотой хамтран “7 эсрэг 7” халз тулааныг тус тус амжилттай зохион явуулсан.

Манай холбооноос төрсөн 57,61,66,70,77,83,-93 кг жингийн төрсөн холимог тулааны 13 аваргуудаас 10 аварга нь одоо олон улсын холимог тулааны, Америкийн Нэгдсэн улсын UFC, BELLATOR, Ази холимог тулааны холбоо, ONE CHAMPIONSHIP зэрэг мэргэжлийн тулааны холбоодтой гэрээ байгуулан тулалдаж байна. 11 сарын 08- ний өдөр манай холбооны отгон аварга “Ширэн бээлий клуб”-ын тамирчин Ц.Амарсанаа ONE CHAMPIONSHIP-ийн 77 кг жингийн Дэлхийн аварга байсан Фолэяанг-тай халз тулаан хийлээ6 Энэ хугацаанд тус холбооноос мэргэжлийн холимог тулааны ONE CHAMPIONSHIP-ийн Дэлхийн аваргын бүсийг анх удаа холбооны үүсгэн байгуулагчдын нэг, Монгол улсын тулааны урлагийн анхны гавьяат тамирчин Ж.Нарантунгалаг эх орондоо авчирч, монгол түмнээ баярлуулсан билээ.

Бид 10 жилийн ойд зориулж 2019 оны 12 сарын 06-ны өдөр “Чингисийн Цом” Монгол туургатны холимог тулааны аварга шалгаруулах тэмцээнийг 2019.12.06 нд Бөхийн өргөөнд зохион байгуулах гэж байна. Энэ тулаанд монгол тамирчдын ранк ахиулах 57,61,66,70 кг жинд 5 тулаан я Өвөрмонголоос хоёр тамирчин , Халимаг, Буриад , Тува тус бүр нэг тамирчин ирж байгаа бөгөөд Кик боксын дэлхийн аварга нэг тамирчид өрсөлдөн. Энэ тулаан монгол туургатны холимог тулааны аваргуудын дунд болж байгаагаараа онцлог бөгөөд аваргууд өөр хоорондоо туршлага судлах, цаашид дэлхийн дэвжээнд өрсөлдөх Монгол тамирчид бэлтгэх зорилготой ажиллаж байна.

ХАМТРАН ЗОХИОН БАЙГУУЛАГЧ ХАС МЕДИА ТЭНГЭР МОДУН ЗОХИОН БАЙГУУЛАГЧ МОНГОЛЫН ТУЛААНЫ ШИЛДЭГ ТАМИРЧДЫН ХОЛБОО