НИТХ-ын сонгуульд өрсөлдөх 45 нэр дэвшигчээ МАН өнгөрсөн шөнө 00.00 цагаас өмнө амжиж тодруулан, өнөөдөр олон нийтэд нэрийг нь танилцууллаа. Нэр дэвшигчдийн 73.3 хувь буюу 33 нь анх удаа нэр дэвшиж буй залуучууд байгаа юм. Тэдний нэг бол Нийслэлийн МАН-ын дэд дарга Н.Алтаншагай.

Анх удаа нэр дэвшиж байгаа ч МАН-ын хувьд, улстөрчийн хувьд шинэ хүн биш ажээ. 

2004 онд МАН-д элссэн тэрбээр нийслэлийн "МАН-ын даргын туслахаас ажлын гараагаа эхэлж, намын улстөрийн ажилтан, СХД-ийн намын хорооны дэд дарга, 23 дугаар үүрийн дарга,СХД-ийн Засаг даргын орлогчоор ажиллаж байгаад 2017 онд болсон МАН-ын Бага хурлын шийдвэрээр нийслэлийн МАН-ын дэд даргаар сонгогдсон.

Өөрөөр хэлбэл намын анхан, дунд, нийслэл гээд гурван ч шатанд ажилласан туршлагатай хүн НИТХ-ын сонгуульд Сонгинохайрханчуудыг төлөөлөн ажиллахаар нэр дэвшиж байна.