УИХ-ын гишүүн Н.Батцэрэг, Д.Зоригт, Ерөнхийлөгчийн иргэдийн оролцоо, эдийн засгийн бодлогын зөвлөх Л.Дашдорж болон Эдийн засгийн хөгжлийн яамны мэргэжилтнүүдээс бүрдсэн Монгол Улсын хөгжлийн урт хугацааны бодлогын баримт бичиг боловсруулах ажлын хэсгийн төлөөлөгчид 2014 оны энэ сарын 22-26-ны өдрүүдэд Бүгд Найрамдах Турк Улсад ажиллаж, тус улсын хөгжлийн бодлого, төлөвлөлтийн явц, үр дүн, туршлагатай танилцаж байна. 
Манай төлөөлөгчдийг тус улсын Хөгжлийн сайд Жевдет Иылмаз, Үндэсний Их Хурлын Төсөв, төлөвлөлтийн байнгын хорооны дэд дарга Сүрея Сади Билгич нар тус тус хүлээн авч уулзан, Туркийн хөгжлийн бодлого, төлөвлөлтийн талаар ярьж, энэ чиглэлээр Монгол Улстай хамтран ажиллах, харилцан туслах сонирхолтой байгаагаа илэрхийлэв. 
Туркийн Үндэсний Их Хурлын дэд дарга Садык Якут 2014 оны 9 дүгээр сарын 23-нд манай төлөөлөгчдийг хүндэтгэн парламентын ордонд үдийн зоог барингаа Монгол, Туркийн харилцааны талаар ярилцаж, өмнө тохиролцсон хамтын ажиллагааны зарим төслийг хэрэгжүүлэхэд дэмжлэг үзүүлэхийг хүсэв. Үргэлжлэл...