Үндэсний Дуу Бүжгийн Эрдмийн Чуулга “Монгол урлагийн гайхамшиг” тоглолтоо 6 сарын 15-наас эхлэн  бүтэн зуны 4-н сар шахам нэгч өдөр алгасалгүй гадаадын зочид төлөөлөгчид, жуулчид, Монгол түмнийхээ сонор мэлмийг мялааж, эх орныхоо нүүр царайг тив дэлхийн 60 гаруй улс орны үзэгчдэд сурталчилан хүндтэй бөгөөд хариуцлагтай үүргийг биелүүлж ирлээ.

Уг тоглолтонд Үндэсний хөгжмийн их найрлын  60 гаруй хөгжимчид, “Зууны манлай” бүжиг дэглээч Ц.Сэвжидийн нэрэмжит 50 гаруй бүжигчид, ардын урт, богино дуу, магтаал ерөөл, хөөмэйн язгуурын төрөл бүхий 30 орчим дуучид, хөөмэйчдийн бүрэлдэхүүнтэйгэээр ардын урлагийн бүхий л төрлийг багтааж нийт 150 шахам уран бүтээлчид оролцон тоглосон билээ. 

Энэ жилийн зуны тур үргэлжилсэн “Монгол урлагийн гайхамшиг” тоглолт гадаад дотоодын  15000 гаруй үзэгч үзсэн бөгөөд  хаалтын  тоглолтоо   9 сарын 25-ны 18:00 цагт  болох юм.

Зуны турш  гадаад дотоод үзэгчдийг байлдан дагуулсан Монгол түмний нэрийн хуудас болсон үндэсний урлагийн тоглолт ийнхүү өндөрлөж байна.

www.URLAG.mn