Билл Гейтс ялгадасаар ус хийжээ

Энэ мэдээ хуучирсан буюу 2015/04/12-нд нийтлэгдсэн мэдээ болно.

Билл Гейтс ялгадасаар ус хийжээ

Сүүлийн үед хүн, амьтны ялгадасыг хүртэл төрөл бүрийн зүйлд ашиглах болжээ. Энэ нь нэг талаас давуу талтай ч, нөгөө талаас эвгүй санагдана. Бүүр мах, машины түлш болон уух ус хүртэл хийж эхэлжээ.

1. VW Bio-Bug – хүний ялгадасаар ажилладаг машин

Британийн GENeco компанийхан 2010 онд VW Bio-Bug хэмээх машиныг гаргасан байна. Хамгийн хачирхалтай нь энэ машин нь хүний ялгадасаар ажилладаг гэнэ.

Машинд ашиглагддаг метаныг хүний ялгадаснаас гаргаж авдаг бөгөөд эдгээр ялгадасыг Британийн хотуудын бохир усны сувгаас авчээ.

70 мянган байрнаас цуглуулсан ялгадасыг 16,000 км явахад ашиглаж болох гэнэ.

Харин 2014 оноос Английн Бристоль-Бат чиглэлд "Bio-Bus" явах болсон байна. Энэ автобус нь мөн л ялгадасны тусламжтай явдаг.

2. Un, Kono Kuro – зааны ялгадасаар хийсэн шар айраг

"копи лувак" хэмээх кофе дэлхий даяар алдартай байдаг. Гэхдээ энэ кофег гаргаж авахын тулд зааны ялгадаснаас үрийг нь цуглуулдаг билээ. Тэгвэл зааны ялгадасыг ашиглан хийдэг бас нэгэн өөр уух зүйл байдаг бөгөөд энэ нь доорх шар айраг юм байна.

3. Саран дээрх ялгадас боловсруулах байгууллага

Саран дээр амьдрал үүсэхийн тулд байнга шаардлагатай зүйлийн нэг нь яах аргагүй энерги юм. Тиймээс НАСА-ийнхан саран дээр цахилгаан станц бүтээх зорилготой байгаа гэнэ. Харин энергийн эх үүсвэрийг гаргаж авахын тулд одон орон судлаачдын ялгадасыг ашиглах юм байна.

4. Ялгадас шилжүүлэн суулгах хагалгаа

Мичиганы Их Сургуулийн эрдэмтэд ялгадас шилжүүлэн суулгах хагалгааг зохиогоод байна. Хачирхалтай нь энэ ажиллагааг хийхэд үнэхээр мэс ажилбар хэрэгтэй гэнэ.

Антибиотикийг их хэмжээгээр хэрэглэсэн тохиолдолд хүний гэдсэнд "Clostridium difficile" хэмээх нян хуримтлагддаг бөгөөд энэ нь ходоод, гэдэсний асуудал үүсэх нөхцөл болдог байна. Харин энэ асуудлыг шийдвэрлэхийн тулд ялгадас шилжүүлэн суулгах шаардлагатай бөгөөд түүний хамт нянгуудыг хамт шилжүүлдэг ажээ.

5. Оцон шувууны ялгадасаар хайраа илчилсэн нь

Урт удаан хугацааны туршид Польшийн туйл судлаачид М үсгийн хэлбэртэй ургамал үүсэж байгааг ойлгож чадахгүй байсан байна. Гэтэл энэ сонирхолтой зүйлийн эзэн нь нэгэн туйл сулаач байсан байна. Тэрээр өөрийн хайртай эмэгтэй Мартадаа сэтгэлээ илчлэхийн тулд ургамлын үрээр оцон шувуудыг хооллож байсан бөгөөд дараа нь тэдний ялгадасыг М үсэг хэлбэртэй цацаж байжээ. Ингээд хэсэг хугацааны дараа ургамал ургаж, туйл судлаачдын дунд домог болсон юм.

6. Merda d'artista – лаазалсан саван доторхи ялгадас

1961 оны 5 сард зураач Пьеро Мандзони өөрийн Merda d'artista хэмээх төслөөрөө дэлхий дахиныг шуугиулсан байна. Тэрээр 90 ширхэг лаазалсан савтай бүтээгдэхүүнийг гаргасан бөгөөд лаазан дотор түүний ялгадас байсан гэнэ.

Хамгийн хачирхалтай нь лааз нэг бүрийн үнэ нь нэг ялтас алттай тэнцэж байсан гэнэ. Merda d'artista ялгадас богино хугацааны туршид зарагдсан бөгөөд 2007 онд нэг ширхэг нь “Сотбис” дуудлага худалдааны үеэр 124 мянган еврогоор зарагдсан байна.

7. Хүний ялгадасаар хийсэн хиймэл мах

Японы Окаяма лабораторийн профессор Икеда санхүүгийн хямралыг шийдвэрлэх нэгэн арга олжээ. Тэрээр хотын бохирын хоолойг судлаж үзээд ялгадасан дотор боловсроогүй их хэмжээний уураг байгааг олсон байна. Ингээд тэрээр ялгадасыг боловсруулж эхэлжээ.

Үүний үр дүнд Икеда хиймэл мах бүтээсэн бөгөөд түүнийг хоолонд ашиглаж болох юм гэнэ. Амт нь барималын шавар мэт боловч буурцагны төрлийн зүйл нэмэхэд энэ нь амтыг үгүй хийх ажээ.

Профессор Икеда анхны бүтээсэн махныхаа амтыг өөрөө идэж харуулсан бөгөөд гамбургер хийж идсэн байна.

8. Билл Гейтсын шинэ төсөл: Ялгадасаар хийсэн ундны ус

Сүүлийн үед Билл Гейтсийн нэр Microsoft корпорациас илүү сайн дурын, тусламжийн үйл ажиллагаагаар илүү гарах болсон. Эдгээрийн нэг нь "Omniprocessor" төсөл юм. Энэ төслийн гол зорилго нь дэлхийн нэн ядуу иргэдийг цахилгаан болон ундны усыг хангалттай өгөх явдал юм байна.

"Omniprocessor"-ын туршилтын үйлдвэр баригдсан бөгөөд энэ үйлдвэр нь хүний ялгадасаар цэвэр ус гаргах зорилготой. Ингээд дараа нь үлдэгдэл нь цахилгаан ялгаруулах гэнэ.

Билл Гейтс өөрөө энэ уснаас ууж байсан бөгөөд бусад томоохон бизнес эрхлэгчдэд ч, энэ усыг уух саналыг тавьж байсан байна.

9. Ялгадастай тэсрэх бөмбөг

Филиппины бослого гаргагчид улс төрийн тэргүүнүүдтэйгээ тэмцэхин тулд террорист үйл ажиллагааг зохион байгуулсан байна. Тэд өвөрмөц төрлийн тэсрэх бөмбөгийг зохиосон бөгөөд энэ нь ялгадасаар хийсэн тэсрэх бөмбөг юм. Уг тэсрэх бөмбөг эсрэг талын хүнд сэтгэл санааны дарамтыг үзүүлж, тулалдах эрч хүчийг сулруулдаг ашигтай талтай.

2013 оны 9 сард Филиппины бослого гаргагчид цэргийн хамгаалалтынхан руу ялгадастай тэсрэх бөмбөг шиджээ. Үүнээс болоод 7 цэргийн ажилтан хөнгөн гэмтэлтэйгээр эмнэлэгт хүргэгдсэн байна.

10. Бохирын хоолойноос алт гаргах

Японы Сува хот алтыг бохирын хоолойноос гаргаж авдаг байна. Хэдэн жилийн өмнө эрдэмтэд ялгадас судалжээ. Судалгаагаар хүний ялгадасан дотор их хэмжээний алт байгааг олж илрүүлсэн байна. Ялгадасыг шатаагаад гарсан нэг тонн нүүрснээс 1890 гр алт гарч ирдэг. Хэрвээ энэ үйл ажиллагааг үргэлжлүүлэхэд жилд 167 мянган долларын ашиг олно. Сува хот нь цахилгааны үйлдвэрлэлийн хот бөгөөд жижиг эд анги хийхэд бага хэмжээний алт орох нь бий.

Ялгадас нь цахилгааны эх үүсвэр болдог. Тиймээс зарим эрдэмтэд амьтдын ялгадас болон тэдний хийг ашиглан цахилгаан гаргаж авах төлөвлөгөөтэй байгаа гэнэ.