Өнөөдрөөс нийтийн тээврийн ухаалаг системийг троллейбусанд суурилуулна. Ухаалаг троллейбусыг энэ сарын 14-ноос 

эхлэн Хорооллын эцэс, Үйлдвэр комбинатын чиглэлд туршилтаар явуулж эхэлсэн. Харин өнөөдрөөс энэ чиглэлийн 10 троллейбусыг нэмж явуулах юм байна. Тус ажлыг “Улаанбаатар смарт карт” компани хариуцан гүйцэтгэж байгаа билээ. Иргэд одоогоор туршилтын троллейбусанд мөнгөө төлж явж байгаа юм байна. Харин ирэх сард карт борлуулах 500 цэг байгуулах бөгөөд иргэд сайн дураараа карт ашиглан үйлчлүүлж болох юм байна. Дашрамд сонирхуулахад  ирэх долдугаар сарын 1-нээс ухаалаг системийг бүх нийтийн тээвэрт албан ёсоор ашиглаж эхлэхээр болжээ.