Монгол Улсад Менежментийн шинжлэх ухааны шавыг тавьж, хөгжүүлсэн эрдэмтэн "Гавьяат багш, доктор, проф. Н.Цэндийн нэрэмжит 2012 оноос эхлэн жил бүр уламжлал болгон  зохион байгуулагдаж буй "Хүмүүн баялгийн хөгжил" сэдэвт эрдэм шинжилгээний бага хурал амжилттай болж өндөрлөлөө.

Тав дахь жилдээ зохион байгуулсан буй уг хурал бизнесийн удирдлага, менежментийн чиглэлээр сургалт явуулж байгаа их, дээд сургуулиудын багш, оюутан, суралцагчдын  судалгаа шинжилгээний бүтээлч хандлагыг дэмжин  урамшуулах, шинэ утга санаагаар баяжуулах,  судлаачдын бүтээлийн үнэ цэнийг нэмэгдүүлэх  замаар менежментийн орчин үеийн хөгжилд  бодит хувь нэмэр оруулах зорилготой аж.

“Цэцээ Гүн” Менежментийн дээд сургуулиас зохион байгуулсан энэхүү хурал их, дээд сургуулиудын багш, оюутнууд, төрийн болон бизнесийн байгууллагын менежерүүд зэрэг өргөн хүрээг хамарсан бөгөөд тэдний ажлыг дэмжин, тус салбарын хөгжил дэвшил, ололтыг нийтийн хүртээл болгоход тодорхой хувь нэмэр оруулах юм.