Дэлхийн телевизийн урлагт олон ангит кино гэдэг нэгэн төрөл зүйл анх үүсэхдээ маш том хувьсал дагуулсан гэж мэргэжилтнүүд үздэг юм. Учир нь үзэгчдийг телевизийн өмнө олон цагаар уяж чаддаг цорын ганц бүтээгдэхүүн нь бөгөөд ашиг орлого ч далладаг аж. Ашиг орлого дагуулсан цуврал уран бүтээлүүд ч тэр хэмжээгээрээ өндөр өртгөөр боссон байдаг юм байна.

Хаан ширээний тэмцэл

Алдарт HBO сувгийн нүүр царай болоод байгаа энэхүү олон ангит кино нь одоогийн байдлаар зургаан бүлэг гарчээ. Энтертайнмент Вийклид гарсан судалгаанд эл киног нийт 13.9 сая долларын зардал гаргаж хийсэн байна.

Найзууд

Ситком буюу богино хэмжээний элглэл төрлийн цуврал кино дундаас хамгийн алдартай нь Найзууд юм. БиБиСи агентлагийн дамжуулснаар ЭнБиСи телевиз 2004 онд уг киноны сүүлчийн бүлгийг гаргахын тулд анги тус бүрийг нь нэг сая доллараар Уорнер Бродерсоос худалдаж авсан байна. Харин цаг хугацааны эрхээр мөнгөний инфляци нэмэгдэж, анги тус бүр нь 2016 онд 12.7 сая долларт хүрээд буй аж. Харин энэ кинонд тоглосон жүжигчид Найзуудынхаа ачаар жилд 27.7 сая орчим доллар олдог гэнэ.

Ром хот

Эртний Бүгд найрамдах Ром улсын үеийн ахуй амьдрал, дайн тулааныг маш бодитойг дүрслэн харуулсан Ром хот кино нь 2005 онд анх дэлгэцнээ гарч хоёр бүлэн болон үзэгчдийн мэлмийг баясгажээ. Ром хот киноны нийт зардал 110 сая доллар болсон байна. Энэ нь анги тус бүрийг 9 сая доллараар хийсэн гэсэн үг юм. Энэ оны байдлаар Ром хот цувралын анги тус бүрийнх нь үнэ 15.5 сая доллар болоод буй.

Зэвсэгт нэгт ахан дүүс

Дэлхийн хоёрдугаар дайны үед Европт байлдааны ажиллагаа явуулж буй АНУ-ын хуурай замын нэгэн хорооны дайчдын найз нөхөрлөлийг өгүүлсэн Зэвсэг нэгт ахан дүүс цуврал кино 125 сая долларын өртгөөр босчээ. Эл киног худалдаж авахыг хүсвэл нэг анги тус бүрт нь 25 сая доллар төлөх шаардлагатай болтлоо үнэ нь өссөн байна.

Марко Поло

Аугаа их Монголын эзэнт гүрний байлдан дагуулалтын оргил үед Хубилай хааны байгуулсан Юань гүрний нийслэл хотод алс холын Итали нутгийн нэгэн худалдаачин хөвгүүдийнхээ хамт ирснээр киноны үйл явдал эхэлнэ. Одоогоос хоёр жилийн өмнө Нетфликсийн дэлгэцэнд шилжиж, дэлхий даяар шуугиулсан Марко Поло олон ангит киног бүтээх зардал 90 сая доллар болж, худалдах үнэ нь нэг анги тус бүр нь 12.5 сая доллар юм байна.

С.Дамдин