Алдарт дуучин Сер Элтон Жон өнгөрсөн сарын 30-ны өдөр ОХУ-ын нийслэл Москва хотод айлчлах үеэрээ тус улсын Ерөнхийлөгч Владимир Путинтэй уулзаж, ижил хүйстэн хүмүүсийн эрхийн талаар зөвлөлдөнө гэх мэдээлэл тараад байсан билээ. Тэгвэл энэ талаар албаны эх сурвалж мэдээлэл хийж, В.Путин Э.Жоныг хүлээн авч уулзаагүй гэж мэдээллээ. Учир нь түүний ажлын хуваарьт Английн дуучныг хүлээн авч уулзах цаг байгаагүй гэсэн байна.

ОХУ-ын Төрийн Думаас ижил хүйстэнтэй явалдах үзэгдлийн талаар суртал ухуулга хийхийг хатуу хориглосон хуулийг 2013 он гаргаснаар Москва олон улсын анхаарлыг татаж, басхүү амаргүй шүүмжлэлийг хүртсэн юм. Харин ижил хүйстэн Элтон Жон эл шийдвэрт эмзэглэнгүй хандаж, Кремлийг удаа дараа шүүмжилж байсан юм. Тэрбээр өмнө нь Украйнийн Ерөнхийлөгч Петер Порошенкотой уулзаж, ижил сэдвээр ярилцсаныхаа дараа ОХУ-ын Ерөнхийлөгчтэй уулзах саналаа дэвшүүлсэн юм.

С.Дамдин