Манай гарагийн хамгийн үнэтэй, тансаг зэрэглэлийн машин үйлдвэрлэгч Роллс Ройсийн нэр бүхий гар утсыг Икраилийн Сайрин Лабс хэмээх компани зохион бүтээж, худалдаалж эхэлжээ. Аюулгүй байдал талаасаа ч тэр, техникийн үзүүлэлт, чанарын талаасаа ч тэр ямар ч брендийн гар утсыг араасаа үл дагуулах уг гар утасны зах зээлийн үнэ нь 14000 доллар гэнэ. Цэргийн зориулалтаар ашигладаг 256 битийн АЕС шифрт үндэслэн зохион бүтээсэн энэхүү гар утасны яриаг чагнах, мэдээллийн баазад нь нэвтрэх ямар ч боломжгүйг үйлдвэрлэгчид нь баталж байна. Танд ирэх болон гарах дуудлага, текстэн мэдээллийг FIPS 140-2 сүлжээгээр дамжих байх тул Роллс Ройс ухаалаг гар утастай байхад гаднаас халдах боломжгүй 100 хувь хувийн харилцан холбоотой боллоо гэсэн үг аж. Нэмэлтээр суурилуулсан төхөөрөмжийн тусламжтайгаар гар утас асаалттай байгаа тохиолдолд таны мэдээллийн бааз бүхэлдээ шифрлэгдэнэ.

Үзэмж талаасаа ч тэр бусдаас дутах зүйлгүй. Роллс Ройс ухаалаг утас 5.5 инч хэмжээтэй 16 LEDs Corning Gorilla Glass 4 дэлгэцтэй учир мөнгөний ялгарал маш өндөр. Нүүрэн талдаа найман мегапиксель камертай бол ар талдаа бараг л мэргэжлийн гэмээр 24 мегапиксель камертай аж. Дөрвөн төлрийн өнгө ялгаж, лазераар фокус тааруулахаас гадна F/2.0 лензтэй юм байна. Эргэн тойрондоо 90дБ-ийн чадалтай дуу цацах гурван чанга яригчтай.

Роллс Ройс гар утсыг бүтээхэд орчин цагийн гар утас, утасгүй технологийн хамгийн шилдэг ололтуудыг ашиглажээ. LTE24 сүлжээг ашиглаж, 802.11ас 2х2 MU-MIMO учир WiFi болон WiGI орчинд хамгийн өндөр хурдыг үзүүлнэ. Татах хурд нь 450 мегабайтпиксель бол ачааллах хурд нь 150 мегабайтпиксель аж.

Процессор нь хамгийн сүүлийн үеийн 64 битийн Snapdragon 810 Octa-Core бөгөөд 2ГГц чадалтай Адрено 430 GPU-тэй, дөрвөн гегабайтын LDDR4 RAM-тай бол өөр дээрээ 128 гегабайтын багтаамжтай. Үйлдлийн системийн хувьд Android 5.1 Lollipop OS гэнэ. Зай хураагуурын хувьд ч мөн цоо шинэ технологийг ашигласан учир хүлээлгийн горимд 14 хоног, ярианы горимд 31 цаг тасралтгүй ажиллана. Жингийн хувьд 250 грам бол зузаан нь 11.1 мм гэнэ.

С.Дамдин