Монгол түмэндээ зориулав.


Шуурхай мэдээ

Хүн иддэг махчин загасыг агаараас хянана

Нийтэлсэн: Монгол Хүү | Технологи
2016 06 сар 06 ・ 584

Технологийн дэвшлийг даган гарч ирж, хүн бүрийн хэрэглээнд эрчимтэй нэвтэрч байгаа "Дрон" буюу алсын удирдлагатай нисдэг төхөөрөмж тун удахгүй далайн эргийн аврагчдыг ажилгүй болгох нь байна. Учир нь Австралийн Засгийн газар тэдгээр камераар тоноглосон нисдэг төхөөрөмжүүдийг далайн эрэг орчмын хяналтад ашиглахаар болжээ. Гол зорилго нь сүүлийн жилүүдэд жуулчид төдийгүй орон нутгийнхан нь хүртэл махчин загасны идэш болох нь нэмэгдсэнтэй холбоотой юм. Мэргэжилтнүүдийн аюултай гэж тодорхойлсон хэсгүүдэд нисдэг төхөөрөмжөөр ажиглалт хийж, махчин загасны заналхийллээс иргэдийг хамгаалж ажиллана.

Далайн эрэгт эргүүл хийх нисдэг төхөөрөмжүүдийг махчин загас үргээгч, эмнэлгийн анхны тусламж, үл шатагч хөвүүр, ЖиПиЭс байрлал заагч зэргээр тоноглосон бөгөөд Засгийн газраас нийт 250 мянган долларын төсөв олгосон талаар холбогдох хүмүүс нь мэдээлэв. Зай хураагуураар ажиллах нисдэг төхөрөөмжийг гаднаас нь харахад жижигхэн хэмжээтэй нисдэг тэрэг шиг харагдах юм. Австралийн онцгой байдлын газрынханы мэдээлж буйгаар тус улсад нийт 1003 удаагийн мах загасны халдлага бүртгэгдсэнээс 232 нь хүний амь насанд хүрчээ.

С.Дамдин


Таньд манай мэдээ, мэдээлэл таалагдаж байвал "LIKE" дарж бидэнтэй нэгдээрэй