Уяач Г.Энэбиш энэ сарын 14 буюу маргааш Royal Ascot-д болох King's stand stakes морин тойруулгад Монголын Бямбаа морио уралдуулж, бооцоо тавих гэнэ. Монголын Бямбаа хэмээх хурдан ажнай нь өнгөрсөн оны намар Киньлендэд болсон Breeders' Cup Turf Sprint уралдаанд түрүүлж, алдаршсан юм. Уяач Ганбатын Энэбиш Английн Дейли Мэйл сонинд өгсөн ярилцлагадаа өөрийнхөө уясан морийг эхний гуравт найдвартай багтана. Зам богино учир Монолын Бямбаа ядах зүйлгүй өрсөлдөгчдөө ардаа орхино гэж ам бардам ярьсан байна.

Монголын Бямбаа нь өнгөрсөн намраас хойш дэлхийн орон орноор аялж, уралдаанд оролцож байгаа бөгөөд өнгөрсөн арванхоёрдугаар сард гэхэд л G1 Longines Hong Kong Sprint уралдаанд тавдугаарт орсон байна. Харин өнгөрсөн гуравдугаар сард Дубайд болсон G1 Al Quoz Sprint уралдаанд оролцох байсан ч тээвэрлэлтийн явцад гарсан сөрөг нөлөөллийн улмаас уралдалгүй өнгөрөөжээ.

С.Дамдин