Энэ мэдээ хуучирсан буюу 2016/06/15-нд нийтлэгдсэн мэдээ болно.

АНУ-ын цэргийн албан хаагчид, түшмэдүүдийн мэдээллийг хакер хулгайлжээ

Косовогоос гаралтай нэгэн хакер “Исламын улс” террорист бүлэглэлд туслалцаа үзүүлсэн тухайгаа хүлээн зөвшөөрсөн байна. Тэрээр Виржиниа мужид өчигдөр болсон шүүх хурал дээр энэ талаар мэдэгдсэн аж.

АНУ-ын Хууль зүйн яамнаас мэдээлснээр, интернет сүлжээнд Th3Dir3ctorY нууц нэрээр алдаршсан, 20 настай Ардит Феризи 2015 оны зургаадугаар сард администратор эрх авангуутаа компьютерийн мэдээллийн баазыг эвдсэн тухайгаа хүлээн зөвшөөрчээ. Уг баазад АНУ-ын цэргийн албан хаагчид болон холбооны түшмэдүүдийн хувийн мэдээллүүд хадгалагдаж байсан аж.

Эдгээр мэдээллийг олж авсныхаа дараа Феризи “Исламын улс”-ын төлөөлөгчдөд дамжуулсан бөгөөд тэд өөрсдийн Твиттер хуудсанд энэ талаар мэдээлж байжээ.

Феризийг АНУ-ын эрх баригчдын хүсэлтээр Малайзад баривчлан Америкийн хууль сахиулах байгууллагад хүлээлгэн өгсөн байна. Хэрэв хакерын гэмт үйлдэл нотлогдвол түүнд 35 жилийн хорих ял заналхийлж байгаа аж.

 

Д.Мөрөн

Эх сурвалж: ZONE.MN

 Хаясан гээсэн бичиг баримт хаашаа алга болов
Хаясан гээсэн бичиг баримт хаашаа алга болов
 
Путин: F-16 онгоцтой баазууд руу нь довтолно
Путин: F-16 онгоцтой баазууд руу нь довтолно
Энэ мэдээ хуучирсан буюу 2016/06/15-нд нийтлэгдсэн мэдээ болно.