Япон улсын Токио хотын “Шинжюкү Пикадели” кино театрт Монгол, Японы хамтарсан уран бүтээл “Хөх тэнгэрийн хязгаарт” киноны нээлтийн ёслол болжээ. Уг киноны зохиолыг Монгол Улсын Соёлын тэргүүний ажилтан, жүжигчин Б.Амарсайхан бичиж, киног Японы нэрт найруулагч Кэнтаро найруулсан байна. Киноны гол дүрүүдэд Монгол Улсын жүжигчин Б.Амарсайхан, Каннын кино наадмаас “Шилдэг эрэгтэй дүр”-ийн шагналыг Азиас хамгийн анх хүртсэн Японы алдарт жүжигчин Ю.Ягира нар тогложээ. Уг кино ХБНГУ-ын Манхайм хотноо өнгөрсөн онд зохион байгуулсан Манхайм-Хайдельбергийн олон улсын 68 дахь удаагийн кино наадмын нээлтийн киногоор шалгарч олон улсад нээлтээ хийсэн юм.
Улмаар уг наадмаас “Шилдэг уран бүтээл”-ийн шагнал, Олон улсын мэргэжлийн кино шүүмжлэгчдийн холбооны нэрэмжит шагналыг хүртсэн аж.
“Хөх тэнгэрийн хязгаарт” киноны зураг авалтын 80 хувийг нь Монголд, үлдсэнийг Японд хийсэн бөгөөд өнгөрсөн сарын 26-наас Японы кино театруудаар гарч эхэлжээ.
Б.Номуун
Эх сурвалж: "Монголын үнэн" сонин
_80x80.jpg "“Сүү” хөтөлбөрийг ирэх сарын 1-нээс эхлүүлэхээр төлөвлөж байна")
_80x80.jpg "Путин: F-16 онгоцтой баазууд руу нь довтолно")
