Энэ мэдээ хуучирсан буюу 2021/03/07-нд нийтлэгдсэн мэдээ болно.

АН-ЫН ДАРГАД Н.АЛТАНХУЯГ, П.ГАЛИНДЭВ НАР ӨРСӨЛДӨХ НЬ ҮНДСЭН ДҮРЭМГҮЙ БОЛСНЫ ИЛРЭЛ

АН-ын даргын сонгууль нэлээд өрсөлдөөнтэй болох нь гэдгийг нэр дэвшихээр хүсэлтээ өгсөн хүмүүсээс харж болно. Гэхдээ энэ сонгуулийг будлиантуулж, АН сэхэхгүй болтол сөхрүүлэхийг хүсэгчид ч байгаа бололтой. Товчхондоо АН даргаа дүрмийн бусаар сонговол Дээд шүүхэд бүртгүүлж чадахгүй.

Уг нь энэ сарын 5-ны 20:00 цагт нэр дэвшигчдийн бүртгэл дуусгавар болж, Дотоод сонгуулийн хороонд 18 хүн бүртгүүлэхээр материалаа бүрдүүлж өгсөн. Намын Дотоод сонгуулийн хороо тухайн үед УИХ-ын гишүүн Н.Алтанхуяг, П.Галиндэв нарыг бүртгэхээс татгалзсан. Тэдний хувьд АН-аас аль хэдийн татгалзаж, УИХ-ын сонгуульд бие даан нэр дэвшиж явсан хүмүүс.Тэгвэл өнөөдөр тус Дотоод сонгуулийн хороо 13:00 цагт хуралдаж, дээрх хүмүүсийг бүртгэж авах асуудлаар хуралдахаар болсон тухай эх сурвалжууд хэлж байна.

Хэрвээ Н.Алтанхуяг, П.Галиндэв нарыг АН-ын даргын сунгаанд бүртгэвэл энэ нь эргээд намынхаа Үндсэн дүрмийг зөрчсөн явдал болох юм. Тодруулбал, АН-ын үндсэн дүрэмд “...Өөрийн хүсэлтээр намын гишүүнээс татгалзсан болон хасагдсан иргэн намд дахин элсэж болно. Дахин элсэхээр бол ҮДХ-ны дүгнэлтийг үндэслэн эрх бүхий албан тушаалтан шийдвэрлэнэ...” гэж заасан.

Мөн АН-ын даргын сонгуульд нэр дэвшигч нь намын гишүүнээр 8-аас дээш жил бүртгэлтэй байх ёстой гэсэн заалт ч бий.Тэгэхээр хэрвээ АН-ын Дотоод сонгуулийн хороо Н.Алтанхуяг, П.Галиндэв нарыг бүртгэвэл намын Үндсэн дүрмээ зөрчсөн явдал болно.Мэдээж асуудлыг гэрлийн хурдаар шийдвэрлэж, бүртгэлийг хийлээ гэхэд дараагийн удаа АН-ын Их хурлаар бүх гишүүд нь баталгаажуулах эсэх нь асуудал дагуулна.

Түүгээр ч зогсохгүй дээрх нөхдийг НАМЫН ГИШҮҮДИЙН ХҮСЭЛТЭЭР гэдэг үгээр гоёж ялалтын туг атгуулж, намын тамгаа өгөх юм бол дахиад ч Ерөнхийлөгчийн сонгуулиар ч АН даргагүй хэвээр байх магадлалыг дагуулна.Учир нь Монгол Улсын Дээд шүүх намын Үндсэн дүрмээ ЗӨРЧСӨН гэх заалтаар АН-ыг даргагүй хэвээр нь үлдээх нь гарцаагүй.Тиймдээ ч АН-ын Дотоод сонгуулийн хороо улстөрийн томоохон хүчний бодлогыг тодорхойлох эрх мэдлийг атгаж байгаагийн хувьд намынхаа Үндсэн дүрмийг баримтлахаас аргагүй юм.

Төрийн сайд бүсгүйчүүд
Төрийн сайд бүсгүйчүүд
 
“ Захилагат хууль” -ийн автор Ч.Хүрэлбаатар УИХ-ын гишүүн А. Адьяасүрэнг заналхийлжээ
“ Захилагат хууль” -ийн автор Ч.Хүрэлбаатар УИХ-ын гишүүн А. Адьяасүрэнг заналхийлжээ
Энэ мэдээ хуучирсан буюу 2021/03/07-нд нийтлэгдсэн мэдээ болно.