Нийслэлийн ИТХ хурал өнөөдөр ээлжит буюу III хурлаа хийж, COVID-19-ийн цар тахлын нөхцөл байдал, түүнтэй холбоотой цаашид авч хэрэгжүүлэх арга хэмжээний мэдээлэл, танилцуулга сонсох томьёоллоор санал хураалт явуулж, дийлэнх нь дэмжсэн юм. Мөн энэ үед НИТХ дахь ХҮН-ын гурван төлөөлөгч Нийслэлийн Засаг Дарга бөгөөд Улаанбаатар хотын захирагч Д.Сумьяабазарт хариуцлага тооцож, огцруулах санал гаргав.
Тэд Өндөржүүлсэн бэлэн байдлын үед Нийслэлийн Онцгой Комиссоос авч хэрэгжүүлж буй арга хэмжээ нь хүний амьд явах эрхийг зөрчихгүй, хүнлэг бус хэрцгий хандахгүй байхаар хуульчилсан. Гамшгаас хамгаалах тухай хуулийн 5.5.1-д гамшгаас хамгаалах ажлын хүмүүнлэг шуурхай ил тод хариуцлагатай байх тухай заалтыг зөрчсөн. Энэ үед Нийслэлийн Засаг Дарга Д.Сумьяабазар хот чиг үүргээ биелүүлж чадаагүй гэж дүгнэж буй аж.
Тэгвэл Нийслэлийн Засаг дарга бөгөөд Улаанбаатар хотын захирагч Д.Сумъяабазар энэ талаар байр сууриа илэрхийлсэн байна.
Тодруулбал тэрээр: "Ажил аваад 100 гаруй хонож байгаа надтай бэлтгэл муу, хариуцлагагүй байна гээд байгааг улс төрийн зорилготой захиалгат үйлдэл гэж үзэхээс өөр арга алга. Гох дэгээ тавьж суудаг цаг биш. Сонгуулиар эрхээ авсан улсууд нь ачаагаа үүрээд явж байна.
Хот цаашид иргэдээ хязгаарлах бус илүү нээлттэйгээр өвчнөөс сэргийлэх, эдийн засгаа дэмжих чиглэлд түлхүү анхаарч ажиллахад бэлтгэлээ хангаж байна. Ийм үед ХҮН улстөржиж байгаад харамсаж байна. Алдаа байвал хамтдаа иргэдийнхээ төлөө ярилцаж, шийдээд явья, хотын даргын хаалга нээлттэй. Харин захиалгатай, зорилготой улс төрд бол би гар барихгүй шүү. Хүн шиг байцгаамаар байна. ХҮН намынхаан" гэжээ.
_80x80.jpg "МОНГОЛЫГ ДОРОЙТУУЛСАН ЭРХМҮҮД")
_80x80.jpg "“HSE UPDATE-2024 ФОРУМ” Монголд анх удаа дөрөвдүгээр сарын 24-ны өдөр зохион байгуулагдах гэж байна")
_80x80.jpg "Х.Баттулга: Би сонгуульд оролцохгүй, Залуусаа дэмжиж байгаа")
_80x80.jpg "“Төв цэнгэлдэх хүрээлэн”-г нийслэлийн өмчид 100 хувь шилжүүлэн авлаа")
_80x80.jpg "“Сүү” хөтөлбөрийг ирэх сарын 1-нээс эхлүүлэхээр төлөвлөж байна")
