Энэ мэдээ хуучирсан буюу 2021/03/04-нд нийтлэгдсэн мэдээ болно.

А.Адъяасүрэн гишүүн Ерөнхийлөгч Х.Баттулгын сонгуульд гай болохоор харагдана

Нэгэн цагт жолооны курсээр бизнесээ эхлүүлж байсан А.Адъяасүрэн гишүүн жилээс жилд бизнесийнхээ хүрээг өргөжүүлсээр сүүлдээ их гарын эгнээнд шилжиж, авлига өгдөг болсон. Тодотговол, Авто тээврийн үндэсний төвийн Тээвэр зохицуулалтын хэлтсийн дарга Г.Доржпаламд 100 мянган ам.долларын авлига өгсөн нь илчлэгдэн, шалгагдаж байсан ч уг хэргийг хүчингүй болгосон нь хэл ам дагуулж байна. Арга ч үгүй.

А.Адъяасүрэн энэхүү хэргийг УИХ-ын гишүүн болохоосоо өмнө холбогдож, ийнхүү парламентад ирсэн хойноо хүчингүй болгуулж чадаж байна. Эрхэм гишүүний авлига өгсөн хууль бус үйлдэл нь ганц энэ биш байж мэднэ. Тиймдээ ч энэ бүх хууль бус зүйлээ хаацайлж байхаар парламентад иржээ гэсэн хардлага ч дагуулах болов. Түүнээс бус Хууль тогтоох дээд байгууллагын гишүүн хүн, хууль баталж, түүнийхээ хэрэгжилтийг хянаж анхаарч ажиллах ёстой ч өөрөө хууль зөрчөөд сууна гэдэг байж боломгүй асуудал. Тэр тусмаа авлигын асуудалд УИХ-ын бүрэн эрхийн асуудал ч хөндөгдөх ёстой. Өчүүхэн хэрэг мандуулсан түшээд ч өнөөдөр хорих ялтай тарчилж л байна.

Одоо цагт эрх мэдэлтэй бүхэн нүүрс руу хошуурч байна, энэ жишгээс ч эрхэм гишүүн хоцрохгүйн тулд ийнхүү ачааны автомашинд нүүрс тээвэрлэх С зөвшөөрөл авах гэж авлига өгсөн хэрэг шүү дээ. Тэгэхээр А.Адъяасүрэн гишүүний энэ тээврийн компани хэдэн оноос үйл ажиллагаа эхлүүлсэн юм, хэдэн удаа зөвшөөрөл авч, сунгах замаар ажилласан юм гээд ухахаар бүх зүйл ил болно. Энэ баримтуудыг дэлгэхээр үүнээс өмнө хэдэн ч удаа хэнд ч авлига өгсөн байж болох талтай. Үүнийг ч анзаарах хэрэгтэй.

Уг нь бол тэр бүрэн эрхээ хөндүүлэх хэмжээний ноцтой хэрэг өдүүлсэн ч Прокуророос хүчингүй болгочихсон учраас түүний ар талд хэн байна гэдэг асуудал ч анхаарал татаж байгаа. Олны хардаж сэрдэж байгаагаар бол офшшор бүсээс ихээхэн хөрөнгө нь илрээд байгаа Ерөнхийлөгч Х.Баттулгын дэмжлэг байгаа гэх. Үнэхээр нутаг татсан дэмжлэг байх юм бол Ерөнхийлөгч Х.Баттулгад муугаар нөлөөлнө гэх зовнил ч тойрон хүрээлэгч дунд нь байх шиг. Түүнийг их улс төрд Х.Баттулга хөтөлж оруулж ирсэн бөгөөд түүний зөвлөхөөр ажиллаж байсан гээд гарцаагүй ойрын хүн. Их бага бизнесийн ертөнцөд амь санаа нэгтэй нутаг нэгтнүүд нэгнээ өмгөөлөх, хэргээс мултлах хэмжээний сэтгэлтэй байж таарна. Ийм л зургаар прокурорын шийдвэрт нөлөөлсөн болов уу гэх хардлага оволзож байна. 

Удахгүй Ерөнхийлөгчийн сонгууль болно, өөрөө хууль бус хөрөнгө нь ил болсон Х.Баттулга бас нэг авлига өгдөг гишүүн хаацайлаад байхаар сөргөөр нөлөөлөх л байх. Энэ мэт шалтгаан нь А.Адъяасүрэнгийн хэргийг Прокурорын газраас хүчингүй болгожээ. Прокурорыг Ерөнхийлөгч томилдог гэх мэт хардлага цахим ертөнцөд өрнөж байгааг буруутгах аргагүй.   

Эх сурвалж: З.Шатар 

Түмэн.мн

МУГЖ Т.Ариунаа: Миний хань Г.Буяндорж 16 удаагийн шүүх хуралд оролцож, 5 удаа хоригдож хилсдсэн
МУГЖ Т.Ариунаа: Миний хань Г.Буяндорж 16 удаагийн шүүх хуралд оролцож, 5 удаа хоригдож хилсдсэн
 
Путин: F-16 онгоцтой баазууд руу нь довтолно
Путин: F-16 онгоцтой баазууд руу нь довтолно
Энэ мэдээ хуучирсан буюу 2021/03/04-нд нийтлэгдсэн мэдээ болно.