Коронавирусийн халдварын тархалт өндөр байгаатай холбогдуулан БЗД-ийн 26 дугаар энэ сарын 17-ний 06.00 цагаас эхлэн хатуу хөл хорио тогтоохоор болжээ. Энэ хугацаанд тус хороонд оршин суудаг иргэдээс ПСР шинжилгээ авахаар болсон байна. 

2021 оны 3-р сарын 16-ны 12.00 цагийн мэдээгээр Баянзүрх дүүргийн хэмжээнд коронавирусийн халдварын 63 тохиолдол батлагдлаа. Баянзүрх дүүргийн хэмжээнд коронавирусийн халдварын нийт 1241 тохиолдол бүртгэгдээд байна. Дүүргийн хэмжээнд хоёр цэгт иргэдэд PCR шинжилгээ хийж байна. Есөн цэгээр 21979 иргэнийг коронавирусийн халдварын эсрэг дархлаажуулалтад хамруулаад байна. 

Халдварын тархалт эрчимжиж буйтай холбоотойгоор Нийслэлийн онцгой комисст өчигдөр ЭМЯ-наас хүсэлт ирсний дагуу 26-р хорооны нутаг дэвсгэрт хөл хорио тогтоох дүүргийн Засаг даргын захирамж гарсан хэмээн Баянзүрх дүүргийн Засаг дарга Н.Баярмөнх мэдээлэв.