Монгол түмэндээ зориулав.


Шуурхай мэдээ

Увс аймгийн шинэ Засаг дарга Ч.Чимэд ажлаа хүлээн авлаа

Нийтэлсэн: Монгол Хүү | Нийгэм
2020 11 сар 27 ・ 228

Увс аймгийн Засаг даргаар томилогдоод буй Ч.Чимэд өнөөдрөөс ажлаа хүлээн авч байна. Тус аймгийн Засаг дарга асан Д.Батсайхан тамга тэмдгээ хүлээлгэн өглөө.

Өнгөрөгч 10 дугаар сард болсон орон нутгийн сонгуулиар Увс аймгийн ИТХ-ын 41 суудлын 19-ийг нь АН, 17-г МАН, 5-ыг бие даагч авсан бөгөөд аймгийн хурал зөвшилцөлд хүрч чадахгүй гурван хоног сунжирсны эцэст бие даагчид АН-тай хамтран засаг байгуулахаар болсон юм.

Улмаар аймгийн ИТХ-ын даргаар бие даагч Ц.Батболдыг сонгож, Засаг даргаар Ч.Чимэдийг томилуулахаар Ерөнхий сайдад өргөн мэдүүлсэн билээ.

Увс аймгийн Засаг даргаар сонгогдсон Ч.Чимэд нь аймгийн ИТХ-д таван удаагаа сонгогдсон. Өмнө нь аймгийн ИТХ-д 16 жил ажиллахдаа 12 жилд нь тэргүүлэгчээр ажиллаж байжээ. 


Таньд манай мэдээ, мэдээлэл таалагдаж байвал "LIKE" дарж бидэнтэй нэгдээрэй