Монгол түмэндээ зориулав.


Шуурхай мэдээ

ЗГ: Хөл хориог энэ сарын 11-нийг хүртэл сунгаснаар нууц үедээ халдвар авсан хүний тоог 100-200-гаар бууруулна

Нийтэлсэн: Монгол Хүү | Нийгэм
2021 01 сар 06 ・ 104

  

 Засгийн газрын ээлжит хуралдаан 2021 оны 01 дүгээр сарын 06-ны өдөр боллоо.

"Ковид-19" цар тахлын нөхцөл байдал, хийж байгаа ажлын талаар Монгол Улсын Шадар сайд, Улсын онцгой комиссын дарга Я.Содбаатар танилцуулав. Мэдээллээс үзвэл:

-2021 оны нэгдүгээр сарын 11-нийг хүртэл хөл хорио сунгаснаар халдварын тохиолдол болон хэвтэн эмчлүүлэгчдийн тоо тус бүр 100, халдвар нууц үедээ байх хүний тоо 100-200 орчмоор буурах магадлалтай гэж үзсэн байна.

-Бүх нийтийн бэлэн байдлыг зэргийг бууруулсан бол хоёрдугаар сарын 11 буюу сар шинийн баярын үеэр халдвар 3500 гаруй, хэвтэн эмчлүүлэгчдийн тоо 1200 гаруй, халдварын нууц үедээ байх хүний тоо 1000 хүрэх төлөвтэй байсан гэсэн тооцоолол гарчээ.

-Улсын хэмжээнд түргэвчилсэн оношлуураар 509.170,  PCR аппаратаар 661.200, нийт 1.170.370 хүнд шинжилгээ хийгээд байна. 415.397 хүн нийслэл хотод шинжилгээнд хамрагджээ.

-Улсын хэмжээнд 31 тусгаарлах байранд 1525 хүн байгаагийн 1489 нь ойрын хавьтлын, 36 нь тусгай үүргийн онгоцоор ирсэн байна.

-2020 оны 12 дугаар сарын 24-ний өдрөөс өнөөг хүртэл эрүүл мэндийн 4200, онцгой байдлын 1500, мэргэжлийн хяналтын 2135, цагдаагийн 2804, хил хамгаалахын 840, нийт 11.479 ажилтан, албан хаагч үүрэг гүйцэтгэж байна.

-"Чадварлаг багш" хөтөлбөрийн хүрээнд мэргэжлийн стандарт нэвтрүүлэх, үнэлэмжийг хөдөлмөрийн бүтээмж, гүйцэтгэлд суурилсан тогтолцоонд шилжүүлэх, шаардагдах зардлыг жил бүрийн төсөвт тусгаж байхыг сайд Л.Цэдэвсүрэнд даалгав. Хөтөлбөрийг Багш бэлтгэх, Багшийн мэргэжлийн тасралтгүй хөгжил, Ажлын нөхцөл, цалин хөлс гэсэн гурван чиглэлээр хэрэгжүүлнэ.  


Таньд манай мэдээ, мэдээлэл таалагдаж байвал "LIKE" дарж бидэнтэй нэгдээрэй