Сүржигнэхгүйгээр ажлаа хийж болдоггүй юм уу, гэж Ерөнхий сайд танаас ард иргэд асууж байна.

Уг нь хийх ёстой ажлаа л хийсэн. Нэг улирал буюу 100 хоногт хэрхэн ажилласнаа тайлагнаж байгаа нь сайшаалтай ч олны анхаарлыг татаж индэр засуулж, хүний бөөгнөрөл үүсгэхгүй гэж өөрийнхөө амаар хэлсэн хэрнэ л 40 орчим сэтгүүлч, ЗГ-ын ААН-ийн төлөөлөл гээд 100 орчим хүнийг урьсан байв.

Ерөнхий сайд 100 хоногт хийсэн ажлаа их л сүржнээр тайлагнасан ч эдийн засагчид маш их шүүмжлэлтэй хандаж Эдийн засгийн хүндрэлийг даван туулах дунд хугацааны стратегийн гол асуудлаа барьж авч чадаагүй, ойлгоогүй л явна...

Хэрэв эдийн засгаа нэн тэргүүнд, хурдацтай хөгжүүлье гэвэл томоохон үйлдвэрүүдийг оруулах хэрэгтэй. Тухайлбал, Дарханы арьс ширний цогцолбор, Төмөрлөгийн үйлдвэр, Газрын ховор элемент олборлолт, боловсруулалтад нэн түрүүнд анхаарах хэрэгтэй. Мөн нийслэлийн үл хөдлөх хөрөнгийн татварыг шинэчлэн тогтоох, зээлийн хүүгийн хувь хэмжээнд тааз тогтоож барих зэрэг чухал ажил олон байгааг хэлсэн байлаа.

Тэгвэл Ерөнхий сайд ийнхүү шүүмжлэлд өртөх нь ч юм. Тэрбээр 100 хоногийн ажлын тайлангийнхаа үеэр үйлчилгээг E-Mongoliaд байршуулж төрийн хүнд суртлаас сэргийлж чадлаа... Сая хөл хорионы үеэр ӨНДГӨӨР ДОТООД ЗАХ ЗЭЭЛЭЭ ХАНГАЖ ЧАДАХГҮЙ байгааг анзаарлаа. Хүнсээ дотоодоосоо хангахад Засгийн газраас дэмжлэг үзүүлэх боломжтой... Засгийн газраас эрхлэгчдийн үйл ажиллагааг үргэлжлүүлэх бодлогын хүрээнд вакцинжуулалтыг идэвхжүүлсэн. Вакцинжуулалтаараа бид Азид тэргүүлж, дэлхийд 10 дугаарт жагсаж байна гэж сайрхсан.

Засаг толгойлсон хэн ч байсан үүнийг цаг үетэйгээ уялдуулаад хийх л ёстой байсан. Өөр хийх олон ажил байгаа. Гэтэл Ерөнхий сайд маань Өндгөөр дотоод зах зээлээ хангаж чадахгүй байгааг л Уг нь өндөгнөөс ч илүүтэйгээр олж харах асуудлууд өч төчнөөн байгаа шүү дээ.

Эх сурвалж: Erennews.mn