Энэ мэдээ хуучирсан буюу 2021/06/14-нд нийтлэгдсэн мэдээ болно.

Л.Оюун-Эрдэнийг орлох хүн наймдугаар сард тодорно

Ерөнхийлөгчийн сонгуулийн шилийг даран нөхөн сонгуулийн чимээ ч гарав, МАН-ын даргын далд тулаан ч эхлэв бололтой. Уг нь ихэс дээдсийн төлөвлөж байгаагаар бол МАН-ын даргад өдгөөгийн удирдлагын багаас итгэлт нэг нөхрөө томилж, улмаар Ерөнхий сайд болгох төлөвлөгөө танилцуулсан нь Л.Оюун-Эрдэнийг гарах гарцгүй болгожээ. Хэн ч зүтгэж очсон өндөр албан тушаалд хэдхэн сар суугаад буухыг хүсэхгүй нь ойлгомжтой.

Нөгөө талаас МАН дотор “Хотын фракц”-ын ноёрхол тогтох нь бүх зүйлээс тодорхой харагдана. МАН-ын гал тогоог 2016 оноос хойш барьж, олон шатны сонгуульд ялалт байгуулсан өдгөөгийн генсекын гавьяаг үнэлэх нь зүй ёсны хэрэг учраас намын дарга, Ерөнхий сайд болох ёстой гэдгийг удирдах түвшинд тохиролцоонд хүрчээ. Дүрэм ёсоор бол ялсан Намын дарга Ерөнхий сайд байх ёстой учраас үүнийг дагаж таарна. Гагцхүү МАН-ын генсек өөрөө олон удаа албан тушаалаас татгалзсан шигээ энэ удаад ч татгалзаж болох талтай. Түүнээс бус түүнд Намын дарга, Ерөнхий сайд болох бүрэн боломж бий.

Мөнхүү нэг зүйл бий. Өдгөөгөөс дөрвөн жилийн өмнө МАН 33, 32 гэх бүлэгт хуваагдан тэмцэлдэж байсан тулааны “утаа” одоо ч замхараагүй. Олны нүдэн дээр эв эеийг хичээж байгаагаас энэхүү тулааны галыг түр зуур цурманд хийсэн гэж ойлгоход болно. Тодорхой дурдвал М.Энхболдын “Хотын фракц” гэж хүчтэй бүлэг бий. Тус бүлэг нь Сү.Батболдын фракцаас дэмжлэг авах эх сурвалжийн баттай мэдээлэл байгаагаас харвал өнөөдөр М.Энхболдын бүлэглэлийг МАН дотор юу ч дийлэхгүй гэсэн үг. Энэ утгаараа Л.Оюун-Эрдэнэ нарын хэн нь ч намын дарга, Ерөнхий сайд болох тухай ярих нь арай л эртэдсэн хэрэг. Үүнээс гадна Л.Оюун-Эрдэнийн хүч МАН дотор дэндүү суларч, өдрөөс өдөрт дэмжлэгийн хүрээ хумигдаж байгааг эх сурвалж дуулгав.

Улс төрийн нөхцөл байдлаас харахад Л.Оюун-Эрдэнэ бол Ерөнхийлөгчийн сонгуулийн ажиллагаа угтан гаргаж ирсэн түр зуурын дүр гэдэг нь юу юунаас харагдаж байна. Баттай эх сурвалжийн хэлж байгаагаар ирэх наймдугаар сард МАН хуралдаж, Намын дарга болон аппаратад өөрчлөлт оруулах аж. Учир нь өдгөөгийн Намын дарга энэ сарын 25-ны өдөр Ерөнхийлөгчийн тангараг өргөж бүрэн эрх нь хэрэгжих учраас Намын даргагүй удаж болохгүй гэх байр суурийг хаа хаанаа илэрхийлжээ. Энэ нь намын удирдлагыг гартаа авах гэсэн бүлэглэлийн явуулж байгаа яаруу бодлого гэдэг нь ч илт. Яарахаас ч өөр аргагүй нөхцөл байдалд тэсэж ирсэн. Тэгэхээр Л.Оюун-Эрдэнийг орлох хүнийг ирэх наймдугаар сард сонгох нь тодорхой болж байна.

Түмэн.мн

Улс төрийн сонгуульд дараалан гурав ялахад ямар цол өгдөг бол?
Улс төрийн сонгуульд дараалан гурав ялахад ямар цол өгдөг бол?
 
“ Захилагат хууль” -ийн автор Ч.Хүрэлбаатар УИХ-ын гишүүн А. Адьяасүрэнг заналхийлжээ
“ Захилагат хууль” -ийн автор Ч.Хүрэлбаатар УИХ-ын гишүүн А. Адьяасүрэнг заналхийлжээ
Энэ мэдээ хуучирсан буюу 2021/06/14-нд нийтлэгдсэн мэдээ болно.