“АЛТАН БИОПЛАС” ХХК-ТАЙ ХАМТРАН АЖИЛЛАХ САНАМЖ БИЧИГ БАЙГУУЛЛАА

Хөдөлмөр, нийгмийн хамгааллын яамны харъяа Хөдөлмөрийн аюулгүй байдал, эрүүл мэндийн төвийн захирал М.Даваабат, “Алтан биоплас” ХХК-ийн гүйцэтгэх захирал Б.Оч нар 2021 оны 06 дугаар сарын 22-ны өдөр хамтран ажиллах санамж бичигт гарын үсэг зурлаа.

Хамтран ажиллах санамж бичгийн хүрээнд эрүүл ахуйн эрдэм шинжилгээ, судалгааны ажлууд хийх, хөдөлмөрийн нөхцөлөөс үүссэн өвчлөлийг судлах зэрэг ажлыг хийхээр төлөвлөсөн.

“АЛТАН БИОПЛАС” ХХК нь 2016 оноос биологийн идэвхит бүтээгдэхүүн буюу хор саармагжуулах бүтээгдэхүүн, хүнсний нэмэлт бүтээгдэхүүний үйлдвэрлэл, худалдаа, инноваци ба шинэ бүтээгдэхүүний туршилт судалгааг хийж ирсэн байна. Өнөөдрийн байдлаар эмчилгээний барагшун, түлэнхийн ба үе мөчний түрхлэг, барагшунтай ундаа зэргийг үйлдвэрлэж байна. Цаашид гадаад худалдааны чиглэлээр үндэсний үйлдвэрлэлд түшиглэсэн бүтээгдэхүүн экспортлох зорилготой ажиллаж байгаа хамт олон юм.

Дээрх ажлын хүрээнд Хөдөлмөрийн аюулгүй байдал, эрүүл мэндийн удирдлагууд “Алтан биоплас” ХХК-ийн үйлдвэрийн нөхцөл байдал, үйл ажиллагаатай танилцсан.

⇐ Нийслэлийн эрх зүйн байдлын тухай хуулийн төслийг Засгийн газрын хуралдаанаар дэмжлээ
Дэлхийн хамгийн үзэсгэлэнт бүсгүйчүүдтэй 10 орон ⇒
Сэтгэгдэл (0)
Анхаар!
Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд хариуцлага хүлээхгүй. !!!