Өнөөдрийн байдлаар “ Тавантолгой түлш” компанийн хоёр том үйлдвэр 24 цагаар хоногт 6000 шахам тонн шахмал түлш үйлдвэрлэж байгаа аж. Улаанбаатар хотын гэр хорооллын 220 мянган өрх айлын шахмал түлшний хэрэглээ жилийн 450-550 мянган тонн байдаг гэсэн тооцоо бий. Энэ жилийн хувьд 40 цэгээр шахмал түлш түгээж байгаа бөгөөд цаашдаа 600 цэгээр түгээлтээ хийхээр болжээ. Монголчууд дотооддоо түлшээ үйлдвэрлэж байгаа учраас хомсдол үүсэхгүй бөгөөд шинэ үйлдвэр ашиглалтад орсноос өмнөхөөсөө гурав дахин хүчин чадалтай болжээ. Тиймээс энэ өвөл хэрэглэгчид түлшээр тасрахгүй, дугаарлах хэрэггүй гэдгийг тус компанийнхан хэлж байна.