Энэ мэдээ хуучирсан буюу 2022/07/29-нд нийтлэгдсэн мэдээ болно.

BIG GEE гэрт хонож чадахгүй “Буудалд хононо” гэж саагижээ

Өвөрхангай аймгийн 90, 91 жилийн ойн баяр наадам энэ сарны 24-26-нд болсон. Ойн баяр наадмын үеэр орон нутгийн удирдлагууд болон тус аймгаас сонгогдсон УИХ-ын гишүүд олон уран бүтээлчдийг дуулуулж, өргөн дэлгэр зохион байгуулсан. Харин энэ үеэр дуучин Мөнх-Эрдэнэ буюу BIG GEE өөрийн цахим хуудастаа “Өвөрхангай аймгийн 90, 91 жилийн ойн баяр наадам онцгүй боллоо. Бидэнд байрлаж, хонох газар олдоогүй. Бид Баянхонгор аймгийн буудалд хонохоор явж байна” хэмээн бичлэг хийсэн. Энэ талаар тус аймгийн Засаг дарга А.Ишдоржоос тодрууллаа.

Тэрбээр “Бүх уран бүтээлчид, дуучдыг орчин үеийн халуун ус, ариун цэврийн өрөө, 24 цагийн цахилгаантай нэгдсэн баазад байрлуулсан. Нэг ч хүнийг гадаа хонуулаагүй. Харин заримд нь монгол гэр таарсан байх. Монгол хүн байж гэрт хонож чадахгүй бол яах вэ. Дуучин GEE Өвөрхангай аймгийн Хайрхандулаан сумын гаралтай хүн шүү дээ. Харин аймгийнхаа ойн баяр наадмаар сэтгэлээрээ үнэгүй дуулаад өгчих байтал ингэж ярьж болохгүй. Уран бүтээлчдээс гадна манай аймгийн ойгоор өндөр настай, гавьяа шагналтай олон хүн ирсэн тэднийг буудалд байрлуулсан юм. Тэдэнтэй барьцаад байгаа юм уу. Үнэндээ ойлгоогүй. Түүнээс өөр ийм гомдол, санал хэлсэн хүн байгаагүй” гэв.

Эх сурвалж: Ergelt.mn

Шөвгийн дөрвөн бөх нь тодорхой болсон гэх зэрэг асуудал гарчээ
Шөвгийн дөрвөн бөх нь тодорхой болсон гэх зэрэг асуудал гарчээ
 
“ Захилагат хууль” -ийн автор Ч.Хүрэлбаатар УИХ-ын гишүүн А. Адьяасүрэнг заналхийлжээ
“ Захилагат хууль” -ийн автор Ч.Хүрэлбаатар УИХ-ын гишүүн А. Адьяасүрэнг заналхийлжээ
Энэ мэдээ хуучирсан буюу 2022/07/29-нд нийтлэгдсэн мэдээ болно.