Энэ мэдээ хуучирсан буюу 2022/10/18-нд нийтлэгдсэн мэдээ болно.

“Эрдэнэс Тавантолгой“ ХК уртын ээлжийн горимыг жишиг болохуйц хэрэгжүүлж буйг онцлов

Хөдөлмөрийн тухай хуулийн 92 дугаар зүйлд уртын ээлжээр ажиллуулах зохицуулалт шинээр тусгагдсантай холбогдуулан уртын ээлжийн горимын хэрэгжилтийн байдалтай танилцах ажлын хэсгийнхэн 2022 оны 10 дугаар сарын 17-ны өдөр “Эрдэнэс Тавантолгой” ХК-ийн Салбарт ажиллалаа.

Хөдөлмөр нийгмийн хамгааллын яамны Хөдөлмөрийн харилцааны бодлогын хэрэгжилтийг зохицуулах газрын дарга Б.Алимаа тэргүүтэй МҮЭ-ийн холбоо, Ажил олгогч эздийн нэгдсэн холбоо, Эрчим хүч, Геологи, Уул уурхайн үйлдвэрчний эвлэл, Уул уурхайн ассоциацийн төлөөллөөс бүрдсэн ажлын хэсэг Хөдөлмөрийн тухай хуулийн хэрэгжилтийн байдалтай танилцаж, ажилтнуудын төлөөлөлтэй уулзаж санал бодлоо солилцож, асуултад хариулав.

Ажлын хэсгийн гишүүд “Эрдэнэс Тавантолгой” ХК нь Хөдөлмөрийн тухай хуулийн хэрэгжилтийг сайтар мөрдөж, 14/14 ростерийн горимыг хэвшүүлж, уртын ээлжийн зохион байгуулалтыг уул уурхайн бусад аж ахуйн нэгжид жишиг болохуйц хэрэгжүүлж байгааг онцоллоо.

Мөн энэ үеэр “Эрдэнэс Тавантолгой” ХК-ийн Хүний нөөц, хөгжил сургалтын хэлтсийн хөдөлмөрийн хуульч М.Чингис компаниас Хөдөлмөрийн тухай хуулийн шинэчилсэн заалтын хэрэгжилтийг хэрхэн хэрэгжүүлж буй талаар ажлын хэсгийнхэнд танилцуулга хийв.

Баян-Өлгий аймгийн Засаг дарга согтуугаар тээврийн хэрэгсэл жолоодож яваад осол гаргажээ
Х.Лхагвасүрэн: Цэргийн 15 албан хаагч явж байгаад машины рулийн аппарат хагарч зам тээврийн осол гарсан
Энэ мэдээ хуучирсан буюу 2022/10/18-нд нийтлэгдсэн мэдээ болно.
  1. Зочин

    Монгол улсад үйл ажилгаа явуулж байгаа бүх уул уурхайн кампани ууд бүгд ийм байгаа гэдэгт итгэлгүй байгаа шүү шалгах хэрэгтэй