Хэрэгтнүүдийн гурав нь шүүхийн өмнө гэм буруугаа хүлээсэн байна

Баасан гарагт /2024.03.22/ Москва хотод гарсан халдлагыг үйлдсэн дөрвөн этгээдийг шүүх хурал ням гарагийн /2024.03.24/ орой болсон байна. Тус халдлагын улмаас 130 гаруй хүн харамсалтайгаар амь үрэгдсэн юм.

Москва хотын Басманый дүүргийн шүүх 32 настай Далержон Мизоев, 30 настай Саидакрами Рачабализода, 19 настай Мухаммедсобир Файзов, 25 настай Шамсидин Фаридуни нарыг террорист халдлага үйлдэж, бусдын амь насыг хохироосон хэрэгт буруутгаад буй.

Тэд бүгд Тажикистан улсын иргэд юм. Хэрэгтнүүдийн гурав нь шүүхийн өмнө гэм буруугаа хүлээсэн байна. ОХУ-д тэднийг гэм буруутай гэж үзээд буй хэргийн ял нь бүх насаар хорих байдаг.

Зургийн эх сурвалж: Irish Independent

Өчигдөр болсон шүүх хурал хэрэгтнүүдийг тавдугаар сарын 22-нд болох шүүх хурал хүртэл цагдан хорихыг тушаасан юм. Мизоев, Рачабализода, Фаридуни нар гэм буруугаа хүлээсэн байна.

Харин эмнэлгээс тэргэнцэр дээр шүүх хуралд хүргэгдэн ирсэн Файзов хурлын турш нүдээ аньж суужээ. Гэм буруугаа хүлээсэн гурвын нүүр нь хавдаж, гэмтсэн байдалтай шүүхийн байранд ирсэн юм.

Оросын хэвлэлүүдээр аюулгүй байдлын албаныхан тэднийг мөрдөн байцаах явцдаа эрүүдэн шүүсэн байж магадгүй гэх мэдээлэл явсан байна.

Эх сурвалж: Associated Press

Ерөнхийлөгч У.Хүрэлсүх ОХУ-ын Ерөнхийлөгч В.В.Путинд эмгэнэл илэрхийлэв
Ерөнхийлөгч У.Хүрэлсүх ОХУ-ын Ерөнхийлөгч В.В.Путинд эмгэнэл илэрхийлэв
 
“Төв цэнгэлдэх хүрээлэн”-г нийслэлийн өмчид 100 хувь шилжүүлэн авлаа
“Төв цэнгэлдэх хүрээлэн”-г нийслэлийн өмчид 100 хувь шилжүүлэн авлаа
Сэтгэгдэл (0)
Анхаар!
Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд хариуцлага хүлээхгүй. !!!