“Циркийн барилгыг нурааж, орон сууц барихаар болсон. Ойролцоох газарт нь 35 давхар оффисын зориулалттай барилга баригдахаар болсон" гэх мэдээллүүд сар шинийн баярын өмнө гарч, олон хүн эсэргүүцсэн байдаг. Мөн сүмогийн их аварга Асашёорюү Д.Дагвадорж хорт хавдраар өвчилсөн тухайгаа энэ даваа гарагт өөрийн цахим хаягаараа дамжуулж мэдээлсэн билээ.

Их аварга Д.Дагвадорж өчигдөр өөрийн хаягтаа циркийн шинэ барилгын тухай "Шинэ циркийнхээ ая тухын асуудлыг олон жил бодсон. Хааны сэнтий шиг суудалтай, энэ оны "NBA"-ийн стандартаар тун удахгүй монголчуудаараа нээлт хийнэ. Би өөрөө ч бас нугарна, цөм авна аа бүгдээрээ. Шинэ циркээ олон төрлөөр ашиглах боломжтой болгохоор төлөвлөж байна. Спорт, урлаг, "E-Sport"-ын танхим зэргээр тохижуулж гадаа талбайг нь залуусын сэтгэлд нэн тааламжтай орчин болгож шийднэ. Жаахан тэвччих, би ч бас тэвчээд гарна аа" гэжээ.