"Эрдэнэс Тавантолгой" ХК-ийн нэрийг ашиглах замаар залилах гэмт хэрэг үйлдэж байгаа талаар цагдаагийн байгууллагаас анхаарууллаа.
Энэ оны эхний таван сарын байдлаар "Эрдэнэс Тавантолгой" ХК-тай нүүрс худалдан авах гэрээ байгуулж өгнө гэж бусдын залилсан гэмт хэргийн талаарх 9 гомдол мэдээлэл цагдаагийн байгууллагад бүртгэжээ.
Улмаар дөрөвт нь хэрэг бүртгэл нээхээс татгалзаж, тавд нь хэрэг нээж 5-10 хүнийг холбогдуулан шалгаж байна.
Гэмт этгээдүүд нь аж ахуйн нэгжийн нүүрс худалдан авах гэрээний хүсэлт, холбогдох бичиг баримтыг хүлээн авч "Эрдэнэс Тавантолгой" ХК-ийн албан маягт, гарын үсэг, тамга тэмдгийг хуурамчаар үйлдэж, хуурамч цахим шуудангаар харилцан их хэмжээний мөнгийг залилсан нөхцөл байдал тогтоогдсон гэж ЦЕГ-аас мэдээллээ.
