Дэлхий дахинд жил бүр уламжлал болгон тэмдэглэдэг “Олон улсын Биологийн олон янз байдлын өдөр”-ийг энэ жил “Be part of the Plan” уриан дор тэмдэглэхээр болсон билээ. Тус өдрийг тохиолдуулан “Baigali” апп-ын зүгээс биологийн олон янз байдлыг танин мэдэх гэрэл зургийн уралдааныг зарлаж байна.
Уралдааны шаардлага: Хамгийн олон зүйлийн ажиглалт ирүүлсэн 5 хүнийг шалгаруулах ба ажиглалт нь дараах шаардлагуудыг хангах ёстой.
Үүнд,
- Ажиглалт оруулсан огноо болон газарзүйн байршил зөв байх
- Зөвхөн байгалийн ургамал, амьтны зураг, бичлэгийг оруулах
- Жич: зөвхөн дээрх шаардлагыг бүрэн хангасан ажиглалтыг л шалгаруулна. Иймд та өөрийн ажиглалтад ямар нэгэн алдаа байгаа эсэхийг хянана уу.
- Хамрах хүрээ: Байгалийн амьтан, ургамалд сонирхолтой хүн бүхнийг урьж байна.
- Уралдааны хугацаа: 2024.05.22-2024.05.26
- Шагнал: Шилдэг таван оролцогч өргөмжлөл, үнэ бүхий зүйл болон Хустайн байгалийн цогцолборт газартай танилцах эко аялалд оролцох эрхээр шагнагдана.
Биологийн олон янз байдлыг хамгаалахад таны, миний, бид бүгдийн оролцоо чухал.
Эх сурвалж: БОАЖЯ
