“Хөгжлийн тав“-аас авилгатай нэр холбогдож байсан ганц хүн нь Н.Хүрэлбаатар

УИХ-ын сонгуулийн 11 дүгээр тойрог буюу Сонгинохайрхан дүүрэгт Монгол Ардын намаас УИХ-ын гишүүн Э.Батшугар, Соёлын Сайд Ч.Номин, Сонгино Хайрхан дүүргийн Засаг Дарга Н.Алтаншагай, Нийслэлийн Засаг Даргын Орлогч П.Сайнзориг, Эрүүл Мэндийн Сайд асан Н.Хүрэлбаатар нар нэр дэвшсэн. Өөрсдийгөө "Хөгжлийн тав" нэрлэсэн дээрх таван нэр дэвшигчээс Э.Батшугарын хувьд санхүү, эдийн засгийн өндөр мэдлэгтэй, ёс зүй, хүмүүжил сайтай залуу. Ч.Номин ч өндөр боловсролтой, ажил хэрэгч бүсгүй. Н.Алтаншагай өнгөрсөн дөрвөн жил даруухан атлаа чамгүй хөдөлмөрлөсөн, аж ахуйн ажлын туршлагатай, дүүргээ маш сайн мэддэг залуу.П.Сайнзоригийг чамгүй сайн хуульч гэдгийг нь олон нийт мэддэг болсон.

Харин Н.Хүрэлбаатарын хувьд "Хөгжлийн тав" дотроо авилгын ноцтой хэрэгт холбогдож байсан ганц хүн нь юм.

Одоогоос 13 жилийн өмнө буюу Н.Хүрэлбаатарын хүү Энхбатын Хан-Уул дүүргийн 15 дугаар хорооны нутаг, “Рапид харш” хотхоны орон сууцнаас төмөр шүүгээтэй 600 орчим сая төгрөгтэй тэнцэх хэмжээний валют алдагдсан хэрэг гарсан байдаг. Улмаар төмөр шүүгээг онгойлгож чадалгүй Төв цэнгэлдэх хүрээлэнгийн дэргэдэх хогийн цэгт хаясан байсныг Хан-Уул дүүргийн Цагдаагийн хэлтсийнхэн олж, тогтоон төмөр шүүгээг онгойлгоход дотроос нь хоёр сая 245 мянган юань (Монголбанкны 2011 оны ханшаар 419 сая гаруй төгрөг) болон 6000 ам.доллар гарсан байна.

Энэ тухай Н.Хүрэлбаатарын хүү Энхбат мэдүүлэхдээ “Энэ төмөр шүүгээг аав манайд тавьсан. Юу байгааг нь би мэдэхгүй” гэсэн байдаг.

Шулуухан хэлэхэд УИХ-ын сонгуулийн 11 дүгээр тойрог буюу Сонгинохайрхан дүүрэгт Монгол Ардын намаас нэр дэвшигч, нэг багийнхныгаа Н.Хүрэлбаатар л муухай харагдуулж байна. Авилгын хэрэгт холбогдсон Н.Хүрэлбаатар өөрөө сонгогдож чадахгүй төдийгүй нөгөө дөрвөн нэр дэвшигчийнхээ рейтингийг унагаж болзошгүй болжээ.

Үерт автсан 40 өрхөд гэр, үерийн дараах хор уршгийг арилгахад 400 сая төгрөгийг УОК-оос шийдвэрлэлээ
Үерт автсан 40 өрхөд гэр, үерийн дараах хор уршгийг арилгахад 400 сая төгрөгийг УОК-оос шийдвэрлэлээ
 
Т.Мөнхсайхан: Үнэтэй, чанаргүй эмийн асуудалд бодит өөрчлөлт хийнэ
Т.Мөнхсайхан: Үнэтэй, чанаргүй эмийн асуудалд бодит өөрчлөлт хийнэ