Арванхоёрдугаар сарын 1-нээс тээврийн хэрэгслийг улсын бүртгэлээс хасах үйлчилгээг "Уранган" салбар, "Хөсөг" салбараас авах боломжтойг Авто тээврийн үндэсний төвөөс мэдээллээ.

Ашигладаггүй тээврийн хэрэгслээ улсын бүртгэлээс хасуулсан ч өөрийн нэр дээрх улсын дугаараа хадгалуулах боломжтой аж.

Автотээврийн хэрэгслийг бүртгэлээс хасахад дараах тээврийн хэрэгсэл хамрагдана. Үүнд:
7.1.1. ашиглалтаас хасагдсан тээврийн хэрэгсэл;
7.1.2. Монгол Улсад ашиглагдаж байгаад экспортод гарсан автотээврийн хэрэгсэл;

7.2. Дараах тохиолдолд бүртгэлийн байгууллага автотээврийн хэрэгслийг бүртгэлээс хасна. Үүнд:
7.2.1. эрх бүхий хуулийн байгууллагын шийдвэр гарсан байх;
7.2.2. тээврийн хэрэгслийн өмчлөгч, эзэмшигч тогтоогдохгүй байх;
7.2.3. сүүлийн 5 жил техникийн хяналтын үзлэгт хамрагдаагүй гэж заажээ.