Хойд бүсийн төв-Орхон аймгийн Онцгой байдлын газраас Засаг даргын нэрэмжит "Аврагч-2024" тэмцээнийг 24 дэх жилдээ зохион байгууллаа.

Тус тэмцээн нь төрийн болон хувийн хэвшил, мэргэжлийн анги, албад, анхны тусламжийн нөхөрлөлүүдийн гамшиг, ослын үед хариу арга хэмжээ авах мэдлэг, ур чадварыг сорьдог гэдгээрээ онцлогтой.

Энэ жилийн тэмцээнд нийт 17 багийн 187 ажилтан, албан хаагч оролцож, жагсаалын үзлэг, обьектын болон ой хээрийн түймэр, үер, усны осол, малын гоц халдварт өвчин, химийн хөнөөлийн голомтын үед авах арга хэмжээ, нэрвэгдсэн иргэдэд анхны тусламж үзүүлэх болон хууль эрх зүй гэсэн цэгүүдэд үүрэг гүйцэтгэж, шилдгүүдээ тодруулсан байна.