Цахим хөгжил, инновац, харилцаа холбооны сайдын шуурхай хуралдаанаар хэд хэдэн асуудлыг шийдвэрлэсэн байна. “Үндэсний хиймэл дагуул хөөргөх төслийн хүрээнд газрын станц барих таван байршилд үнэлгээ хийж, радио давтамжийн судалгааг эхлүүлжээ. Уг судалгааны ажил 80 хувийн гүйцэтгэлтэй байгаа бөгөөд энэ сарын 20-нд хүлээлгэж өгөхөөр төлөвлөсөн байн. Мөн хиймэл дагуулын арилжааны гэрээний орчуулгыг бэлтгэн, ГХЯ-нд хүргүүлсэн байна. Тэрчлэн хилийн бүс орчимд 5G жолоочгүй тээврийн хэрэгсэл турших ажлыг Шивээхүрэн боомтод хэрэгжүүлэхээр 11 байгууллагын төлөөлөлтэй хамтран ажиллахаар болжээ. Тус боомтод жолоочгүй тээвэр турших дэд бүтэц нь бэлэн учраас 2025 оны тавдугаар сарын 1-ний өдрөөс өмнө дээрх ажлыг хийж гүйцэтгэхээр төлөвлөжээ. Мөн 5G ашиглах радио давтамжийн хувиарлалтыг төлөвлөсөн байна.
