Монгол Улсын Засгийн газар, Бүгд Найрамдах Франц улсад бүртгэлтэй “Орано Майнинг” компанитай байгуулах Хөрөнгө оруулалтын гэрээнд гарын үсэг зурах ёслол маргааш /2024.01.17/ 11.40 цагт болно.
Засгийн газрын энэ долоо хоногийн хуралдаанаар гэрээнд гарын үсэг зурах эрхийг,
- Монгол Улсын сайд, ЗГХЭГ-ын дарга Н.Учрал
- Сангийн сайд Б.Жавхлан
- Аж үйлдвэр, эрдэс баялгийн сайд Ц.Туваан
- Байгаль орчин, уур амьсгалын өөрчлөлтийн сайд С.Одонтуяа
- Цөмийн энергийн комиссын нарийн бичгийн дарга Г.Манлайжав
- “Эрдэнэс Монгол” ХХК-ийн гүйцэтгэх захирал С.Наранцогт нарт олгосон.
“Мон атом” компанийн удирдлагууд болон эрдэмтэд Монгол Улсын Засгийн газар хөрөнгө оруулалтын гэрээтэй холбоотой цаг үеийн асуудлаар өнөөдөр 15.00 цагт мэдээлэл хийж буй юм.
