МУСГЗ, яруу найрагч Арлааны Эрдэнэ-Очир агсны “Голын тохой дээр” шүлгийг хэн бүхэн андахгүй. Энэхүү шүлгээр Мөрөөдлийн театрын шинээр тоглож буй “Samsara-тэртээх хоёр зүрх” жүжгийнхээ дууг хийсэн байна. Зохиолчийн зохиол бүтээлийн эрхийг Арлааны Эрдэнэ-Очир сан эзэмшдэг бөгөөд сангийн өнгөрсөн хугацаанд сангийн хийж, хэрэгжүүлсэн ажлуудаас тоймчлон дурдвал:

• “Миний цуглуулсан хорвоо” ном тээсэн тэмээн жингийн цуваа яруу найрагчийн төрж өссөн Улаанбадрах сумыг зорьж, сумын Соёлын төвийн номын санд шинэ номын баяжилт хийж, уншигч хүүхдүүд, иргэдэд соёл гэгээрлийн томоохон хөрөнгө оруулалт хийсэн.
• “Тунгалаг тэнгэрийн дор” уран үгсийн чуулганыг Дорноговь аймгийн “Саран хөхөө” театртаа зохион байгуулж, энэ цагийн үгийн урлагийн мастерууд нэгэн дор чуулсан яруу үдшийг зохион байгуулсан.
• Дорноговь аймгийн Төв номын санг “МУСГЗ Арлааны Эрдэнэ-Очирын нэрэмжит” болгож, аймгийн ИТХ-аар батлуулсан.
• Аймгийн Музей сургалт судалгааны төвд А.Эрдэнэ-очирын амьдрал, уран бүтээлийн үзэсгэлэн зохион байгуулсан.
• “Тунгалаг тэнгэрийн дор” цомгийг хэвлүүлэн, уншигч олонд өргөн барьсан.
• “Бүдэг гэрлийн нөмрөг дор” хээрийн уншлагыг зохион байгуулсан зэрэг ажлууд байна.

Тэгвэл сангаас шүлгийг ашиглан дуу хийх талаар албан ёсны зөвшөөрөл аваагүй талаар хуулийн зөвлөх нь мэдээлэл оруулсан байна. Удахгүй нээлтээ хийх шинэ жүжгийн нээлтийн дуу нь зохиогчийн эрхийн зөрчилтэй бол цаашил жүжиг хэвийн тоглогдох нь зүйн хэрэг үү?