Монголын урлагийн ертөнцөд сэтгэлд хүрсэн дуунууд, эерэг уур амьсгалыг түгээж ирсэн дуучин С.Бичүү энэ удаа “Итгэлт анд минь” хэмээх сэтгэл хөдөлгөм шинэ уран бүтээлээ сонсогч түмэндээ өргөн барилаа. Нийгэмд үргэлж сайн сайхан зүйл уриалж, бусдыг эерэгт хөтөлдөг уран бүтээлчийн хувьд энэхүү дуу нь нөхөрлөлийн үнэнч чанар, итгэл, үнэн сэтгэлийн үнэ цэнийг өгүүлсэн бүтээл болжээ.

Онцгой нь, “Итгэлт анд минь” дууны видео клипэнд түүний охин Суис-ийн жүжигчний 3-р курсийн оюутан оролцож, уран бүтээлийнхээ гарааг ийнхүү аавынхаа бүтээлээр эхлүүлсэн байна. Залуу уран бүтээлч бүсгүй цаашид олон бүтээлд дүр бүтээж, Монголын шилдэг жүжигчдийн нэг болох ирээдүйтэй хэмээн мэргэжлийнхэн үнэлж байна.

С.Бичүү “Ая дуугаар итгэл, урам зориг түгээх нь миний уран бүтээлийн гол зорилго” хэмээн онцолсон бөгөөд шинэ уран бүтээл нь энэ зорилгын нэгэн тод илэрхийлэл болжээ.