Үндсэн хуулиа дээдэлж, сахин биелүүлэх нь хүн бүрийн үүрэг тул нийгмийн бүлгүүдийн онцлог, хэрэгцээ шаардлагад нийцсэн хувилбараар Монгол Улсын Үндсэн хуулийг түгээх нь иргэний суурь эрхээ мэдэх, эдлэх боломжийг бүрдүүлж буй ач холбогдолтой. Иргэн бүрийн мэдээллийг тэгш, хүртээмжтэй авах эрхийг хангах хүрээнд Улсын Их Хурлын Тамгын газраас Монгол Улсын Үндсэн хуулийг дохионы хэлээр хөрвүүлэн Монгол Улсын Их Хурлын албан ёсны www.parliament.mn цахим хуудаст байршуулсан байдаг.