Монгол Улсын Ерөнхий сайд Г.Занданшатарын тэргүүлдэг Хүүхдийн төлөө үндэсний зөвлөл энэ оны анхдугаар хуралдаанаа зохион байгуулж, зөвлөлийн 2025 оны ажлын тайлан, 2026 оны үйл ажиллагааны төлөвлөгөөг хэлэлцэв.

Энэ удаагийн хуралдаанаар хүүхдийн салбарын түүхэнд байгаагүй хэд, хэдэн томоохон асуудлыг хэрэгжүүлэхээр шийдвэрлэлээ.

Хүүхдийн зуслангийн газрыг татварын төлбөрөөс чөлөөлөх, хүүхдийн зуслангийн хагас хувьсах зардлыг төрөөс олгох асуудлыг судлан шийдвэрлэнэ.

Аж ахуй нэгж байгууллага нийгмийн хариуцлагын хүрээнд хүүхдийн сайн сайхны төлөө хийсэн бүтээн байгуулалтын ажлыг нэг хувь хүртэл татвараас чөлөөлөгдөх хуулийн зохицуулалтын хэрэгжилтийг хангаж ажиллахаар боллоо.

2026 онд гурван чиглэлээр онцгой анхаарч ажиллах шаардлагатайг Ерөнхий сайд, Хүүхдийн төлөө Үндэсний зөвлөлийн тэргүүн Г.Занданшатар онцоллоо

Нэгдүгээрт, Хүүхэд хамгааллын бодлогын хэрэгжилтийг эрчимжүүлэх, хүчирхийллээс урьдчилан сэргийлэх , илрүүлэх, хамгаалах, сэргээн засах нэгдмэл тогтолцоог илүү үр дүнтэй болгож, цэгцлэхийг сануулав. Хоёрдугаарт, гэр бүлийн хөгжлийг дэмжих бодлогыг өргөжүүлэх хүрээнд 2026 оныг “Хүүхэд, гэр бүлийг хөгжлийг дэмжих жил” болгон зарлаж, үндэсний хэмжээний аян, эцэг эхийн чадавх бэхжүүлэх, хөтөлбөрүүдийг улс даяар хэрэгжүүлнэ. Гуравдугаарт, хүүхдэд аюулгүй, хүртээмжтэй орчныг бүрдүүлж, боловсрол хөгжлийн байгууллагуудын стандарт, үйлчилгээний чанарыг үе шаттай сайжруулах ажлуудыг хэрэгжүүлэхийг даалгав.