Улаанбаатар хотод авто замын бүтээн байгуулалтын ажлууд дөрөвдүгээр сард эхэлнэ гэж Замын Хөгжлийн Газраас мэдээлээд буй. НЗДТГ-ын хэвлэлийн хэлтсээс мэдээлснээр энэ жил нийслэлийн томоохон бүтээн байгуулалтуудад дотооддоо үйлдвэрлэсэн ган төмрийг авч ашиглахаар болжээ.

Тухайлбал ДЦС-5, Тойрог хурдны зам, Туулын хурдны зам, “Сэлбэ 20 минутын хот” зэрэг төслийн бүтээн байгуулалтад эхний ээлжид Багануур дүүрэгт үйл ажиллагаа явуулж байгаа үйлдвэрийн ган төмрийг ашиглах бол цаашид Дарханы төмөрлөгийн үйлдвэр болон бусад үйлдвэрүүдээс авах боломжийг судлах аж

Тус дүүргийн “Месес” үйлдвэр нь жилд 1,080-3,060 градуст төмөр хайлуулан 150 мм-ийн голчтой босоо хэвд цутгаж тасралтгүй цувих процессын аргаар олон улс болон Монгол Улсад мөрдөгдөж байгаа стандартын чанарын шаардлагыг хангасан 100-120 мянган тонн ган туйван үйлдвэрлэдэг байна.

Өнгөрсөн жил Багануур дүүргийн үйлдвэр технологийн паркийн ажлыг эрчимжүүлэх зорилгоор эрчим хүчний асуудалд нь анхаарч, Улаанбаатар хотоос хөрөнгө оруулалт хийж 6.3 километр шугам холбожээ. Ташрамд дурдахад Монгол Улсын гангийн жилийн дундаж хэрэглээ 300 орчим мянган тонн байдаг байна.